5 აპრილის ასტროლოგიური პროგნოზი

ვერძი

ამ დღეს ფულთან განსაკუთრებით ფრთხილად უნდა იყოთ. გამორიცხული არ არის, რომ მოულოდნელმა ხარჯებმა გეგმების შეცვლა გაიძულოთ. თუ ვინმე დიდი თანხის სესხებას გთხოვთ, კარგად დაფიქრდით, სანამ დათანხმდებით. დიდი შანსია, რომ ფული არ დაიბრუნონ. ყურადღებით იმუშავეთ საბუთებთან — შეიძლება მცირე შეცდომაც კი ძვირად დაგიჯდეთ.

რჩევა: ფინანსური დისციპლინა დღეს თქვენი საუკეთესო მეგობარია. მოერიდეთ ნაჩქარევ გადაწყვეტილებებს და ყველა საბუთი ყურადღებით გადაამოწმეთ.

კურო

ამ დღეს ურთიერთობებს განსაკუთრებული ყურადღება უნდა მიაქციოთ. შესაძლოა, ბოლო დროს საკუთარ თავზე ზრუნვას ან სამსახურს ძალიან დიდ დროს უთმობთ და საყვარელ ადამიანს ყურადღება მოაკელით. გირჩევთ, შექმნილი სიტუაცია დროულად გამოასწოროთ, თორემ მცირე უკმაყოფილება შეიძლება დიდ სკანდალში გადაიზარდოს.

რჩევა: სიყვარული მხოლოდ მიღება კი არა, გაცემაცაა. გამოხატეთ მზრუნველობა და პარტნიორი ამას აუცილებლად შეაფასებს.

ტყუპები

ყურადღება მიაქციეთ გაფრთხილებებს, რომლებსაც სხეული გიგზავნით. ნუ უგულებელყოფთ სიმპტომებს — დროა, ჯანმრთელობაზე იზრუნოთ და ექიმთან პროფილაქტიკურ ვიზიტზე ჩაეწეროთ. განსაკუთრებული ყურადღება უნდა გამოიჩინონ ტყუპებმა, რომლებსაც ქრონიკული დაავადებები აწუხებთ – შესაძლოა, გამწვავება მოხდეს. ყურადღება მიაქციეთ თქვენს ემოციურ მდგომარეობასაც და ეცადეთ წვრილმანების გამო არ ინერვიულოთ.

რჩევა: იზრუნეთ საკუთარ თავზე ისე, როგორც სხვებზე ზრუნავთ. დატვირთული სამუშაო კვირის ბოლოს დასვენებას ნამდვილად იმსახურებთ.

კირჩხიბი

არახელსაყრელი დღეა ფინანსური გადაწყვეტილებების მიღებისთვის. გამორიცხული არ არის, რომ წაგებიანი ინვესტიცია განახორციელოთ ან ვიღაცის მანიპულაციის მსხვერპლი გახდეთ. თუ ვინმე მაცდურ წინადადებას შემოგთავაზებთ ფრთხილად იყავით - ეს შეიძლება მახე იყოს. სამსახურში მოსალოდნელია დაპირისპირება, განსაკუთრებით თუ ვიღაც პასუხისმგებლობას უსამართლოდ გადაანაწილებს.

რჩევა: აკონტროლეთ ხარჯები, საეჭვო გარიგებებში არ ჩაერთოთ და სხვისი ვალდებულებები არ აიღოთ.

ლომი

თანდაყოლილი ტემპერამენტი და ლიდერობის უნარი თქვენი ძლიერი მხარეებია, მაგრამ მნიშვნელოვანია, რომ პარტნიორი თქვენი ზეწოლის ქვეშ არ მოაქციოთ. სავარაუდოდ, ბოლო დროს საკუთარ თავზე ზრუნვამ ისე გაგიტაცათ, რომ საყვარელ ადამიანს ყურადღებას და მზრუნველობა დააკელით. დროა, მდგომარეობის გამოსწორებაზე იზრუნოთ. თუ ურთიერთობაში დაძაბულობა გაჩნდა, მხოლოდ გულახდილად საუბარი დაგეხმარებათ. მარტოხელა ლომებს რომანტიკული სიურპრიზი ელით.

რჩევა: სისუსტის გამოჩენა ზოგჯერ სიძლიერის ნიშანია. მიეცით პარტნიორს სივრცე, რომ საკუთარი გრძნობები და აზრები თავისუფლად გამოხატოს.

ქალწული

ეს დღე შეგახსენებთ, რომ ჯანმრთელობა თქვენი მთავარი რესურსია. შესაძლოა, ბოლო დროს არასწორად იკვებებოდით, მეტისმეტად ბევრს მუშაობდით ან პირიქით, ფიზიკურ აქტივობას უგულებელყოფდით. დროა, შეჩერდეთ და საკუთარ ჩვევებს გადახედოთ. თუნდაც მცირე ცვლილება — მაგალითად, სწრაფ კვებაზე უარის თქმა ან ყოველდღიურად ფეხით სიარული თქვენს ჯანმრთელობაზე დადებითად აისახება. ასევე, მოსალოდნელია მცირე პრობლემები საჭმლის მომნელებელ სისტემაში. მოერიდეთ ზედმეტად ცხარე, ცხიმიან და მძიმე საკვებს.

რჩევა: იზრუნეთ საკუთარ თავზე, რომ მიზნისკენ სავალ გზაზე რაც შეიძლება ნაკლები პრობლემა შეგექმნათ.

სასწორი

ეს დღე შოპინგისთვის არახელსაყრელია, ამიტომ მაღაზიაბში სიარულს უნდა მოერიდოთ. სამსახურში შეიძლება ისეთი სიტუაცია შეიქმნას, რომელიც სწრაფ და ზუსტ რეაგირებას მოითხოვს. კოლეგამ ან ხელმძღვანელმა შეიძლება რთული ამოცანის გადაჭრა გთხოვოთ. ინიციატივის გამოჩენის ნუ შეგეშინდებათ, მაგრამ ეცადეთ ყველა წვრილმანი ყურადღებით შეისწავლოთ. გაითვალისწინეთ, რომ შეიძლება მცირე შეცდომაც კი ძვირად დაგიჯდეთ. განსაკუთრებული სიფრთხილე მართებთ მათ, ვინც ინვესტიციებთან მუშაობს.

რჩევა: ეს დღე მაქსიმალურ ყურადღებას მოითხოვს. ყველა საბუთი რამდენჯერმე გადაამოწმეთ და იმპულსურ ხარჯებს ერიდეთ.

მორიელი

საინტერესო და მოვლენებით დატვირთული დღეა. შეიძლება მნიშვნელოვან ადამიანს შეხვდეთ, რომელიც თქვენს ცხოვრებაზე გავლენას მოახდენს. ვარსკვლავები გაფრთხილებენ, რომ შეიძლება უმნიშვნელო კამათმა დიდი კონფლიქტი და უსიამოვნება გამოიწვიოს, ამიტომ ეცადეთ ემოციები აკონტროლოთ. მოერიდეთ ახალი კრედიტის ან ვალის აღებას - ახლა ამისთვის არახელსაყრელი გარემოებებია.

რჩევა: აკონტროლეთ ემოციები. ნდობა — ნებისმიერი ურთიერთობის საფუძველია. თუ რამეში ეჭვი გეპარებათ გულწრფელად თქვით, ყოველგვარი მორიდების გარეშე.

მშვილდოსანი

ფრთხილად იყავით - თუ ბოლო დროს ბევრი მუშაობა გიწევდათ, ამ დღეს თქვენმა ორგანიზმმა შეიძლება მკაფიოდ მიგანიშნოთ, რომ დასვენება სჭირდება. მოსალოდნელია ენერგიის შემცირება, თავის ტკივილი ან საჭმლის მონელებასთან დაკავშირებული პრობლემები. განსაკუთრებით ყურადღება მიაქციეთ კვებას — მოერიდეთ მძიმე საკვებსა და ალკოჰოლს. თუ დიდი ხანია ექიმთან ვიზიტს აჭიანურებთ, სწორედ ახლაა დრო, რომ კონსულტაციაზე ჩაეწეროთ.

რჩევა: მოერიდეთ მძიმე ფიზიკურ და გონებრივ მუშაობას. თქვენი სხეული დასვენებას საჭიროებს და მოუსმინეთ.

თხის რქა

შესაძლოა ამ დღეს ახალი ფინანსური შესაძლებლობა გამოჩნდეს, მაგრამ სიჩქარე ცუდი მრჩეველია. თუ ახალ პროექტში ჩართვას ან საბუთებზე ხელის მოწერას შემოგთავაზებენ, სანამ დათანხმდებით, ყველა დეტალი კარგად შეისწავლეთ. არსებობს რისკი, რომ რაღაც გამოგეპაროთ და საბედისწერო შეცდომა დაუშვათ. მოულოდნელი შემოსავალი — მაგალითად, ბონუსი, პრემია ან ძველი ვალის დაბრუნება გელით. ფულის დახარჯვას ნუ იჩქარებთ — სჯობს, დაგროვება დაიწყოთ ან გრძელვადიან პროექტში ჩადოთ. ახლა მოგებიანი დროა, თუ სიფრთხილით იმოქმედებთ.

რჩევა: წინდახედულობა თქვენი მთავარი იარაღია. იფიქრეთ გრძელვადიან პერსპექტივაზე და გადაწყვეტილებები ემოციებზე დაყრდნობით არ მიიღოთ.

მერწყული

შესაძლებელია შეხვდეთ ადამიანს, რომელთანაც წარსულში ძლიერი გრძნობები გაკავშირებდათ. ეცადეთ უპასუხოთ კითხვას - ღირს თუ არა ძველი ურთიერთობის განახლება თუ სჯობს წარსული წარსულში დარჩეს? დაოჯახებულმა მერწყულებმა პარტნიორის ემოციურ მდგომარეობას ყურადღება მიაქციეთ. შესაძლოა, მას თქვენი ყურადღება ან ზრუნვა აკლია. უბრალო საუბარი ან ერთად დროის გატარება ურთიერთობას გაამყარებს. მოსალოდნელია მცირე უთანხმოება საყოფაცხოვრებო თემებზე — ეცადეთ კინკლაობა კონფლიქტად არ იქცეს.

რჩევა: წარსული შეიძლება დაბრუნდეს, მაგრამ მთავარია მოგიტანთ ეს ბედნიერებას თუ არა. ეცადეთ გაიაზროთ - რა გაძლევთ რეალურ ბედნიერებას, ძველი მოგონებები თუ ახალი მომავალი?

თევზები

თევზებო, ამ დღეს საკუთარი თავის მიმართ მაქსიმალური მზრუნველობა უნდა გამოიჩინოთ. სხეული გთხოვთ, რომ მუშაობის ტემპი შეანელოთ და დაისვენოთ. მოერიდეთ ტოქსიკურ ადამიანებსა და სიტუაციებს. თავი შეიკავეთ სხვა ადამიანების კამათში ჩართვისა და ურთიერთობების გარკვევისგან — ეს მდგომარეობას მხოლოდ დაამძიმებს. განსაკუთრებული ყურადღება მიაქციეთ ძილის რეჟიმს.

რჩევა: ზოგჯერ საუკეთესო გზა შფოთვასთან გასამკლავებლად — უბრალოდ ყველაფრის დავიწყებაა.