რამდენ ელექტროენერგიას მოიხმარს ქსელში მუდმივად შეერთებული დამტენი მოწყობილობა?

ამის გასარკვევად, სპეციალისტების ჯგუფმა პატარა ექსპერიმენტი ჩაატარა.

დამტენი მოწყობილობის ენერგიის მოხმარება შეიძლება ხელმისაწვდომი საყოფაცხოვრებო დენის მრიცხველის Kill-A-Watt-ის საშუალებით გავზომოთ. მისი ფასი დაახლოებით 24 დოლარია. დენის მრიცხველი ჩამრთველთან შეაერთეთ და დამტენი მოწყობილობები დააკავშირეთ: ნოუთბუქები, სმარტფონები, iPhone, iPad და ა.შ.
მალე აღმოაჩენთ, რომ ვატმეტრი საერთოდ არ აღრიცხავს ენერგიის მოხმარებას.

მართლა სძინავთ, როდესაც არ მუშაობენ?

იქნებ ლოდინის რეჟიმში მყოფი მოწყობილობები იმდენად მცირე ენერგიას მოიხმარენ, რომ მისი დაფიქსირება შეუძლებელია?

ექსპერიმენტის ავტორებმა ამის შემოწმება სხვა გზით გადაწყვიტეს და დამტენი მოწყობილობები ვატმეტრთან კაბელის საშუალებით დააკავშირეს.

ენერგიის მოხმარების ინდიკატორი ერთდროულად დაკავშირებულმა რამდენიმე დამტენმაც კი ვერ დაძრა ადგილიდან და მხოლოდ მაშინ, როდესაც დამტენთა რაოდენობამ ექვსს მიაღწია, ვატმეტრმა 0.3 ვატი აჩვენა.

ეს მაჩვენებელი დაგვეხმარება გამოვთვალოთ რამდენს მოიხმარენ ლოდინის რეჟიმში მყოფი მოწყობილობები მთელი წლის განმავლობაში. მარტივი გამოთვლებით, ამან 2.628 კვტ.სთ. შეადგინა.

თუ ამ მონაცემს გამოვაკლებთ დროს, როდესაც მოწყობილობები ლოდინის რეჟიმიდან აქტიურ რეჟიმზე გადადიან თითქმის უმნიშვნელო რიცხვს - წელიწადში 2 კვტ / სთ. მივიღებთ.

ამრიგად, დამტენი მოწყობილობები ენერგოვამპირები არ არიან, ამიტომ თუ ელექტროენერგიის გადასახადის შემცირება გსურთ, სხვა, გაცილებით მეტი ენერგიის მომხმარებელ საყოფაცხოვრებო ტექნიკას გადახედეთ, ძველი შეძლებისდაგვარად გამოცვალეთ და ენერგიის დამზოგავ ნათურებზე გადადით.