აჭარული ხის სოკოს ჩაშუშულით

მასალა ერთი აჭარული ხაჭაპურისთვის:

• საფუარიანი ცომი - 300 გრ.
• ხის სოკო - 150 გრ.
• ფქვილი - 250 გრ.
• ზეთი - 20 გრ.
• მწვანილები: ქინძი, ოხრახუში, პიტნა, ტარხუნა - გემოვნებით
• მარილი - გემოვნებით

ხის სოკოს მომზადების წესი:

წვრილად დაჭრილი ხახვი მოშუშეთ ზეთში და დაამატეთ კარგად გარეცხილი ხის სოკო.
როგორც კი მოიშუშება, დაამატეთ წვრილად დაჭრილი ქინძი, ოხრახუში, პიტნა, ტარხუნა და მარილი გემოვნებით. გააგრძელეთ მოშუშვა და, დაახლოებით, 5-7 წუთის შემდეგ გადმოდგით გაზქურიდან.
ცომში ჩასადები შიგთავსი მზადაა.

ხაჭაპურის მოზადების წესი:

დაყარეთ მაგიდაზე ფქვილი.
ზედ გაათხელეთ ცომი სიგრძეზე, ისე რომ ორივე ბოლოში ცოტა სქელი ფენა დარჩეს.
ნაპირზე წრიულად შემოუწყეთ ჩაშუშული სოკო და გადაახვიეთ ორივე მხრიდან - მიეცით ცომს ნავისებური ფორმა.
გაუფართოვეთ შუაგული და ჩადეთ შიგ ხის სოკოსგან მომზადებული მასა.
გადაიტანეთ „ჟარონაზე“ და შედგით 300 გრადუსზე გაცხელებულ ღუმელში.

10-15 წუთის შემდეგ, სანამ ცომი დაიბრაწება, გამოიღეთ ღუმელიდან, ამოაცალეთ ზედმეტი ცომი და კვლავ დააბრუნეთ ღუმელში, დაახლოებით, 3-4 წუთით.

შენიშვნა👇:

ღუმელში შედებამდე ცომს აუცილებლად გადაუსვით ფუნჯით წყალი.

მომზადებულ ხაჭაპურს გვერდებზე წაუსვით ცოტა სამარხვო ცხიმი.