უხორცო ხარჩო - სამარხვო წვნიანი

ეს გემრიელი ქართული წვნიანი ბრინჯის, პომიდვრის, ტყემლისა და ხმელი სუნელისგან მზადდება, რომლებიც წვნიანს მდიდარ, მომჟავო გემოს ანიჭებს.

საჭირო პროდუქტი:

• გარეცხილი ბრინჯი - 1 ჭიქა
• წვრილად დაჭრილი ხახვი - 2-3 ცალი
• დაჭყლეტილი ნიორი - 2-3 კბილი
• გაფცქვნილი პომიდორი - 600 გრამი
• ტომატ-პასტა - 1 ს.კ.
• ტყემალის სოუსი (სიმჟავისთვის) - 2-3 ს.კ.
• დაფნის ფოთოლი - 1-2 ცალი
• ქინძი (წვრილად დაჭრილი) - 1 კონა
• ხმელი-სუნელი - 2-3 ს.კ.
• აჯიკა ან წითელი წიწაკა - გემოვნებით
• მარილი - გემოვნებით
• ზეთი - 2-3 ს.კ.

მომზადების წესი:

ინგრედიენტები მოამზადეთ: პომიდორი გაფცქვენით, ხახვი დაჭერით, ნიორი დაჭყლიტეთ, ბრინჯი გარეცხეთ და ქინძი დაჭერით.

გააცხელეთ ზეთი ქვაბში და ხახვი მოშუშეთ. მოშუშულ ხახვს წყალი დაასხით, ადუღებამდე მიიყვანეთ, ბრინჯი დაამატეთ და დარბილებამდე მოხარშეთ.

წვნიანს დაამატეთ გაფცქვნილი და დაჭყლეტილი პომიდორი, წყალში გაზავებული ტომატ-პასტა, ტყემალი, ნიორი, მწვანილი, სანელებლები და ცხარე წიწაკა.

2-3 წუთი ადუღეთ, შემდეგ ცეცხლიდან გადმოდგით და თავდახურული 10 წუთის განმავლობაში გააჩერეთ.

სუფრაზე მიტანის წინ შეგიძლიათ, ცოცხალი ქინძი დააჭრათ.

გემრიელად მიირთვით!

***

ვეგანური ტომატის წვნიანი კუსკუსით

კუსკუსის მომზადება

ბოსტნეულის წვნიანი დიეტური