სულგუნის ხინკალი ნადუღით

საჭირო პროდუქტი:

სულუგუნის ფირფიტები - 100 გრ.

ნადუღი ან ხაჭო - 200 გრ

მაწონი - 1 ს.კ.

პიტნა - რამდენიმე ღერი

ნიორი - 1 კბილი

შავი პილპილი

მარილი

მომზადების წესი:

1. წვრილად დაჭერით პიტნა და ნიორი, მოაყარეთ მარილი და დანაყეთ. მოათავსეთ ბლენდერში ნადუღი (ხაჭო), პიტნისა და ნივრის პასტა, მაწონი, პილპილი და დაატრიალეთ, სანამ ერთგვაროვან მასას არ მიიღებთ.

2. სულგუნის ფირფიტის ცენტრში დადეთ ერთი ჩაის კოვზი გულსართი და ხინკალივით შეკარით. ხინკლის შესაკრავად ჩეჩილი ყველი ან ზოლებად დაჭრილი სულგუნის ფირფიტა გამოიყენეთ.

3. სუფრასთან მიტანამდე ყველის ხინკალს ცოტაოდენი ზეითუნის ზეთი მოასხით და დაფქული შავი პილპილი მოაყარეთ.

გემრიელად მიირთვით!