5 რომანტიკული კომედია შაბათ-კვირის სასიამოვნოდ გასატარებლად

რა მოხდება, თუ / What If (2014)

რეჟისორი: მაიკლ დაუსი
როლებში: დენიელ რედკლიფი, ზო კაზანი, მეგან პარკი, ადამ დრაივერი
ფილმის შესახებ: უოლესი და შანტრი ერთმანეთს წვეულებაზე შეხვდნენ და მაშინვე იგრძნეს, რომ ისინი მონათესავე სულები არიან. მათ ურთიერთობა დაიწყეს და ყველაფერი კარგად მიდიოდა, სანამ ერთ დღესაც არ გაირკვა, რომ შანტრის ბოიფრენდი ჰყავდა. ცოტა იუმორი და სასიამოვნო ფილმი გრძნობებზე, რომელიც თითოეული ჩვენგანისთვის ნაცნობია.

ორი ღამის ამბავი / Two Night Stand

რეჟისორი: მაქს ნიკოლსი
როლებში: მაილს ტელერი, ანალეი ტიპტონი, ჯესიკა ზორი, სკოტ მესკადი
ფილმის შესახებ: შტორმის გამო გოგონას ბიჭის სახლში მოუწია დარჩენა. უამინდობამ ხელი შეუწყო მათ დაახლოებას. ფილმი სახალისო დიალოგებითა და ლამაზი სიყვარულის ისტორიით არცთუ შაბლონური გამოვიდა.

სიყვარული წესების გარეშე / Something’s Gotta Give (2003)

რეჟისორი: ნენსი მეიერსი
როლებში: ჯეკ ნიკოლსონი, დაიან კიტონი, კიანუ რივზი, ფრენსის მაკდორმანდი, ამანდა პიტი
ფილმის შესახებ: მოწიფული ასაკის ბიზნესმენ ჰარის თავისი ახალგაზრდა საყვარლის დედის ერიკას სახლში გულის შეტევა დაემართა. ჰარის, ისევე როგორც მის მკურნალ ექიმს, ერიკა შეუყვარდება. სწორედ აქ იწყება თავბრუდამხვევი ემოციები, ვნება და შეუსაბამობები. ამ სასიყვარულო მრავალკუთხედში არ არსებობს წესები და შეზღუდვები. ძალიან კარგი კომედია მსახიობთა არაჩვეულებრივი ნაკრებით.

უხერხული მომენტი / Un moment d’égarement (2015)

რეჟისორი: ჟან-ფრანსუა რიშე
როლებში: ვინსენტ კასელი, ფრანსუა კლუზე, ლოლა ლე ლანი, ალის ისააზი
ფილმის შესახებ: ორი მეგობარი დასასვენებლად მიდის თავიანთ ახალგაზრდა ქალიშვილებთან ერთად. სწორად იქ უყვარდება 18 წლის გოგონას 42 წლის მამაკაცი. მზე, ზღვა, სიყვარული, ვნება და ფრანგული იუმორი - არაჩვეულებრივი კოქტეილი გელით.

ერთ წლის ვადას გაძლევთ / I Give It a Year (2013)

რეჟისორი: დენ მაზერი
როლებში: როუზ ბირნი, რაფ სპალი, ანა ფარისი, საიმონ ბეიკერი
ფილმის შესახებ: იუმორით გაკეთებული ფილმი იმ პრობლემებზე, რაც ახალგაზრდებს თანაცხოვრების პირველ წელს ექმნებათ. ეს ისტორია კიდევ ერთხელ ამტკიცებს, რომ სიყვარული ის ძალაა, რომლის გარეშეც ნებისმიერი ურთიერთობა დაინგრევა და არ ღირს იმ ურთიერთობაზე დროის დაკარგვა, რომელშიც თავს ბედნიერად არ გრძნობთ.