რით არის ფსტა სასარგებლო და რატომ ღირს ძვირი?

რატომ ღირს ფსტა ძვირი

ფსტის სიძვირის მიზეზი მცენარის ზრდასა და მოსავლის აღებასთან დაკავშირებული სირთულეებია. ფსტის ხე პირველ მოსავალს მეშვიდე ან მერვე წლიდან იძლევა.

თხილს წელიწადში ერთხელ — ივლისის ბოლოს-აგვისტოს დასაწყისში კრეფენ, თანაც — უმეტესად მხოლოდ ღამით, რადგან დღისით ხე ჯანმრთელობისთვის ისეთ ეთერზეთებს გამოყოფს, რომლებიც თავბრუდახვევას და გულისრევას იწვევს.

ფსტას ხელით კრეფენ, წმენდენ და აშრობენ. ამის შემდეგ ფსტას მარილიან წყალში ალბობენ, ხალავენ და ყიდიან.

ფსტა ძირითადად, თურქეთში, მაროკოსა და ცენტრალური აზიის ქვეყნებში ხარობს, ამიტომ თხილის ფასს ტრანსპორტის ხარჯებიც ემატება.

ფსტის სასარგებლო თვისებები

ფსტა მდიდარია უჯრედისით, სასარგებლო ცხიმებით და სხვადასხვა მინერალით.

კალიუმის შემცველობით ფსტა სხვა კაკლებს შორის ლიდერობს.

დადასტურებულია, რომ ფსტა სტრესის ჰორმონის - კორტიზოლის დონეს ამცირებს, ამიტომ კარგი ანტისტრესული საშუალებაა.

ფსტაში შემავალი ვიტამინი B7 მნიშვნელოვნად აჩქარებს ნივთიერებათა ცვლას, ხოლო სელენი იმუნურ სისტემას აძლიერებს და ფარისებრი ჯირკვლის მუშაობას ეხმარება.

ფსტაში შემავალი ლუტეინი მხედველობისთვის სასარგებლოა. ექიმები ფსტას მიღებას გულ-სისხლძარღვთა და სასუნთქი სისტემის დაავადებების დროს ურჩევენ.

ფსტის ზეთი კვებავს და ატენიანებს კანს, აქრობს პიგმენტურ ლაქებს და ამაგრებს თმის ძირს.

რა შემთხვევაში უნდა ერიდოთ ფსტის ჭამას?

უამრავი სასარგებლო თვისების მიუხედავად, ფსტას უარყოფითი მხარეებიც აქვს:

მაღალი კალორიულობა: 100 გრამი ფსტა 562 კკალ-ს შეიცავს, ამიტომ, თუ წონას აკონტროლებთ, ფსტის მიღებას უნდა მოერიდოთ.

მარილიანობა: ფსტა მლაშეა და შეიძლება კუჭისა და თირკმელების დაავადებების დროს გავნოთ.

წნევის პრობლემები: მაღალი მარილიანობის გამო ჰიპერტონიის მქონე ადამიანები ფსტის მიღებას უნდა მოერიდონ, რადგან მარილი წნევას ზრდის.

დაბოლოს — ფსტა ძლიერი ალერგენია.

ესეც დაგაინტერესებთ:

მაკადამია - მსოფლიოში ყველაზე იშვიათი და ძვირფასი კაკალი

მუსკატის კაკალი - სასარგებლო თვისებები

რომელი ბრინჯია ყველაზე სასარგებლო