იაპონიაში ტალახით სახლების აშენება დაიწყეს
16:22 სამ. 5 აგვისტო, 2025 წელი
იაპონურმა სამშენებლო კომპანიამ - Lib Work გამოაცხადა, რომ განსაკუთრებული მასალისგან დამზადებული, 3D პრინტერზე დაბეჭდილი სახლების გაყიდვას იწყებს. როგორც სამეცნიერო-პოპულარული გამოცემა Popular Science წერს, მასალა თიხიანი მიწის, კირის და ბუნებრივი ბოჭკოების ნაზავს წარმოადგენს.
დღეს ცნობილია, რომ 3D პრონტერზე დაბეჭდილი სახლების უმრავლესობა პლასტმასის ან ცემენტის ნარევებისგან მზადდება. იაპონელმა გამომგონებლებმა კი საწყის ნედლეულად ბუნებრივი მასალები - თიხა, კირი და მცენარეული ბოჭკოები გამოიყენეს.
აღსანიშნავია, რომ ასეთი სახლები ხუთჯერ უფრო გამძლეა, ვიდრე ცემენტით აგებული წინა მოდელები.
ბეჭდვა უშუალოდ მშენებლობის ადგილზე განხორციელდა: პირველ ეტაპზე დაამონტაჟეს 3D პრინტერი, შემდეგ კი მისი დახმარებით შენობის კარკასი შექმნეს. ამას კარები, ფანჯრები, სანტექნიკა და საინჟინრო სისტემების ელემენტები მოჰყვა. რაც განსაკუთრებით საინტერესოა, სახლები აღჭურვილია მზის პანელებითა და აკუმულატორებით, რაც ენერგეტიკულ ავტონომიურობას უზრუნველყოფს.
ექსპერიმენტული წარმოების ეტაპზე, შენობების კედლებში დამონტაჟდა სენსორები, რომლებიც ტენიანობისა და თბოგამტარობის დონს ზომავენ.
ახალ სახლებში ბინების გაყიდვები 2025 წლის აგვისტოს ბოლოსთვის არის დაგეგმილი. მშენებლები იმედოვნებენ, რომ ადგილობრივი, ხელმისაწვდომი მასალების გამოყენება ახალ ტექნოლოგიას მასობრივი გამოყენებისთვის მიმზიდველს გახდის.
***
შენობა, რომელიც დამოუკიდებლად თბება და გრილდება - ნორვეგიელი არქიტექტორების პროექტი
აგურის ჩინური ალტერნატივა - ბამბუკის შენობები
იაპონელმა მეცნიერებმა შექმნეს მოწყობილობა, რომელსაც სიზმრების ჩაწერა შეუძლია
წყარო: www.designboom.com
სიახლეები ამავე კატეგორიიდან
