შენობა, რომელიც დამოუკიდებლად თბება და გრილდება

ქვეყნის ხელისუფლებამ გადაწყვიტა, საამებისთვის (ეთნიკური ჯგუფი ევროპაში. ცხოვრობენ ნორვეგიაში, შვედეთში, ფინეთსა და რუსეთში (კარელიაში)) საჩუქარი გაეკეთებინა და არქიტექტურულ ბიურო Snøhetta-ს ახალი კულტურული და საგანმანათლებლო ცენტრის დაპროექტება დაავალა.

შედეგად, კომპანიამ შექმნა ხის შენობა, რომელიც გათბობისა და გაგრილების თვალსაზრისით, 90%-ით ავტონომიურია.

ხისგან აგებული შენობის ფართობი7200 მ²-ია და მას 4930 მ² -ის ფართობის სახურავი აქვს, რომელიც ზოგ ადგილებში მიწამდე ეშვება.

ცენტრის შენობის უჩვეულო ფორმა ბუნებრივად ღია ზონებს ქმნის. მთავარი შესასვლელი სამხრეთ მხარესაა მოქცეული და დაქანებული სახურავი იცავს უამინდობისგან. შენობის შიგნით განთავსებულია თეატრი და სკოლა.

ინტერიერში ბუნებრივი ხის სილამაზე შერწყმულია ადგილობრივი ოსტატების შემოქმედებასთან.

***

შენობა პასიური სახლის (Passive house - სახლები, სადაც ტრადიციული გათბობა/გაგრილების სისტემების გარეშეც შესაძლებელია ზამთარში თბილოდეს და ზაფხულში გრილოდეს) მკაცრი ეკოლოგიური სტანდარტებით აშენდა. ეს გულისხმობს თბოიზოლაციის და ჰერმეტულობის მაღალ დონეს, რაც მინიმალური გათბობის ან გაგრილების გზით სტაბილური ტემპერატურის მიღების საშუალებას იძლევა.

გარდა ამისა, კულტურულ-საგანმანათლებლო ცენტრი გათბობისთვის გეოთერმულ წყლებს იყენებს. შენობა გათბობისა და გაგრილებისთვის საჭირო ენერგიის 90%-ს 250 მ სიღრმეზე მყოფი, 40 გეოთერმული ჭაბურღილის წყალობით მოიპოვებს. ჭაბურღილები ორ ტუმბოს ამუშავებენ, რომლებიც როგორც გათბობას, ისე გაგრილებას უზრუნველყოფენ, ხოლო გეოთერმული ჭაბურღილების თბოგამცვლელები ზედმეტ სითბოს უკან აბრუნებენ.

ვინაიდან საამების კულტურას პარკებისა და ურბანული სივრცეების გაშენების ტრადიცია არ აქვს, სკოლის ირგვლივ ბუნებრივი გამწვანებაა.

პროექტი Čoarvemátta 2021 წელს ექსპლუატაციაში შევიდა და სულ ახლახან, გაიხსნა.

ესეც დაგაინტერესებთ:

აგურის ჩინური ალტერნატივა - ბამბუკის შენობები