ყვავს ადამიანის სახის დამახსოვრება და წლების შემდეგ ამოცნობა შეუძლია

ეს უნარი მათ საშუალებას აძლევ, ინდივიდები განასხვავონ და მათთან დაკავშირებული დადებითი ან უარყოფითი გამოცდილება დაიმახსოვრონ. თუ რომელიმე ადამიანი ყვავს ემუქრება ან ზიანს აყენებს, ის ამ ადამიანს აუცილებლად მოერიდება და შეიძლება საფრთხის შესახებ სხვა ყვავებიც გააფრთხილოს.

ვაშინგტონის უნივერსიტეტში ჩატარებულმა კვლევამ ყვავებში სოციალური სწავლის განსაკუთრებული უნარი გამოავლინა.

ექსპერიმენტის მსვლელობისას ნიღბიანმა მკვლევრებმა ყვავების დაჭერა სცადეს. წლების შემდეგ, როცა იგივე ყვავები ნიღბიან ადამიანებს გადაეყარნენ, საშინელი ხმაური ატეხეს. აღსანიშნავია, რომ სხვა ყვავებმა, რომლებიც საწყისი ექსპერიმენტის დროს არ იმყოფებოდნენ, ნიღაბი ასევე საფრთხესთან დააკავშირეს. ეს ადასტურებს, რომ ყვავებს თაობებს შორის ინფორმაციის გადაცემა შეუძლიათ.

ნევროლოგიურმა კვლევებმა აჩვენა, რომ ყვავის ტვინის უბნებს, რომლებიც სახის ამოცნობაზე არიან პასუხისმგებელნი, ადამიანის ტვინის შესაბამის უბნებთან მსგავსება აქვთ. სწორედ ეს მსგავსება უწყობს ხელს რთული სოციალური მოგონებების ფორმირებას.

მიუხედავად იმისა, რომ ყვავები შურისძიებას არ ეძებენ, კარგი მეხსიერება და განვითარებული სოციალური სტრუქტურა საშუალებას აძლევს მათ, კოლექტიურად ადაპტირდნენ გარემოსთან, ხოლო ადამიანების მიმართ მათი დამოკიდებულება ამ ადამიანების ქმედებებზეა დამოკიდებული.

***

უცხო თავისიანებში - იგავი თეთრი ყვავის შესახებ

რატომ მიფრინავენ გადამფრენი ფრინველები V წყობით?

ფრინველის სკინტლით გამდიდრებული კუნძულის სევდიანი ამბავი