რედაქტირებული გენომის მქონე ობობამ წითელი, მანათობელი აბრეშუმის წარმოება დაიწყო

ადრე ეს ტექნოლოგია წითელთვალება ბზიკებისა და მალარიისადმი მდგრადი კოღოების შესაქმნელად გამოიყენებოდა.

ერთ-ერთი მიზეზი, რის გამოც მეცნიერებმა ობობების გენომის რედაქტირება აქამდე არ მოახდინეს, ლაბორატორიული სამუშაოებისთვის მათი ორგანიზმების სირთულეა. ობობებს რთული გენომი აქვთ, მათი კანიბალისტური ბუნების გამო კი ისინი განცალკევებით უნდა ამყოფონ, რათა ვოლიერში ერთმანეთი არ შეჭამონ.

კვლევის მიზანი ობობის აბრეშუმი იყო - წარმოუდგენლად მტკიცე, მსუბუქი, ელასტიკური და ბიოდეგრადირებადი მასალა, რომელიც იმავე წონის ფოლადის კაბელზე ხუთჯერ უფრო გამძლეა!

მეცნიერებმა საინიექციო ხსნარი მდედრი ობობების გაუნაყოფიერებელ კვერცხებში შეიყვანეს და შეჯვარების შემდეგ გენმოდიფიცირებული შთამომავლობა დაიბადა.

წითელი ფლუორესცენტული ცილა წარმატების მარკერს წარმოადგენდა — თუ აბრეშუმი სინათლეზე ანათებდა, ექსპერიმენტი წარმატებულად ითვლებოდა, — წერს IFL Science.

კვლევის ავტორმა, ბაიროითის უნივერსიტეტის პროფესორმა თომას შაიბელმა აღნიშნა, რომ ობობის გენების აბრეშუმში რედაქტირების შესაძლებლობა ძალიან პერსპექტიულია მასალათმცოდნეობის სფეროში კვლევისთვის. მაგალითად, მისი გამოყენება შესაძლებელია ობობის ისედაც მტკიცე აბრეშუმის სიმტკიცის გასაზრდელად.

***

მეცნიერები გვირჩევენ: როგორ მოვიქცეთ, თუ სახლში ობობა ვიპოვეთ?

რატომ ამრავლებენ ობობებს?

წყარო: phys.org