რატომ ამრავლებენ ობობებს?

ჩიტიჭამია ობობების ფერმა 2006 წელს ხუან კარლოს ორელიანამ ჩილეს პატარა ქალაქ ბატუკოში დააარსა. დღეს ფერმის ტერარიუმებში 5 ათასზე მეტი ობობა ცხოვრობს. ჩიტიჭამია ობობებს ევროპისა და აზიის ქვეყნებში, ექსპორტზე გასაყვანად ამრავლებენ.

ზრდასრული ობობის ზომა 14-იდან 17 სანტიმეტრამდე მერყეობს, მაგრამ შთამბეჭდავი ზომების მიუხედავად, ობობა საკმაოდ მშვიდია.

ამ სახეობის მამრი ობობის სიცოცხლის ხანგრძლივობა სამ წელს არ აღემატება, ხოლო მდედრმა შეიძლება ოცდათხუთმეტ წლამდე იცოცხლოს.

ფერმაში ობობებს სპეციალურ ტერარიუმებში ზრდიან.

სახელის მიუხედავად, ობობების მენიუ ჩიტებისგან კი არა, მწერებისგან შედგება. მუდმივად ხორცით კვებამ შეიძლება ობობის სიკვდილი გამოიწვიოს.

კანიბალიზმის შემთხვევების თავიდან ასაცილებლად, თითოეული ობობა ცალკე ტერარიუმში ცხოვრობს.

სხვათა შორის, თუ საფრთხე იგრძნო, მანამდე მშვიდმა ობობამ შესაძლოა პატრონს უკბინოს.

ესეც დაგაინტერესებთ 👇

მეცნიერები გვირჩევენ: როგორ მოვიქცეთ, თუ სახლში ობობა ვიპოვეთ?

წყარო: www.dailymail.co.uk