მეცნიერები გვირჩევენ: როგორ მოვიქცეთ, თუ სახლში ობობა ვიპოვეთ?

ეზოტერიკოსები მიიჩნევენ, რომ ობობა ასუფთავებს ბინას ცუდი ენერგეტიკისგან, რომელიც სახლის კუთხეებში გროვდება - სწორედ იქ, სადაც ობობა შემდეგ ქსელს აბამს.

ობობის მოკვლა არ შეიძლება მეცნიერების განმარტებითაც, რადგან ამით სახლის ეკოსისტემას დააზიანებთ.

ობობები ყველაზე სუფთა და მოწესრიგებულ სახლებშიც კი ბინადრობენ. ენტომოლოგმა მეტ ბარტონმა და მისმა კოლეგებმა ჩრდილოეთ კაროლინას სახელმწიფო უნივერსიტეტიდან, ჟურნალ The Conversation-ში გამოაქვეყნეს კვლევა ჩრდილოეთ კაროლინაში მდებარე 50 სახლის შესახებ, სადაც ობობები აღმოაჩინეს.

👉მეცნიერების აზრით, ობობები ადამიანის საცხოვრებელი ადგილის შიდა ეკოსისტემების მნიშვნელოვანი წევრები არიან.

ეს უნივერსალური მტაცებლები თითქმის ყველაფრით იკვებებიან, რაც ხვდებათ: მკვდარი ბუზიდან დაწყებული, ცოცხალი კოღოთი დამთავრებული, რომელიც ადამიანის სისხლზე ნადირობს. ზოგჯერ ობობები სხვა ობობებსაც კი ჭამენ.

ობობის ბევრი მსხვერპლი დაავადების პოტენციური გადამტანია. არსებობს ობობის ისეთი სახეობაც, რომელიც აფრიკულ სახლებში დაავადების გადამტანი და სისხლის მსმელი მწერებით იკვებება.

ასე რომ, ობობას არ მოაქვს ბოროტება – პირიქით, ის სახლს მავნე მწერებისგან ათავისუფლებს, ადამიანს არ ეხება. შხამიანი ობობა იშვიათია და ისიც შენობაში არ ბუდობს.

სახლებში მობინადრე ობობები შხამიანი მონსტრები არ არიან. კვლევის დროს ბერტონეს ყველაზე ხშირად უვნებელი თივის ობობები ხვდებოდნენ.

დიახ, ობობების უმეტესობა შხამიანია, მაგრამ მათი შხამი იმდენად ძლიერი არაა, ადამიანებს ზიანი მიაყენოს. ობობების კბილები იმდენად სუსტია, რომ უმეტეს შემთხვევებში კანის დაზიანებასაც ვერ ახერხებენ.

👉გავრცელებული მითების საპირისპიროდ, ობობები თითქმის არასოდეს დაცოცავენ მძინარე ადამიანებზე. ხვრინვა და უბრალო სუნთქვაც კი საკმარისია, სახლის ობობა დააფრთხოთ და გაგეცალოთ.

თუ არაქნოფობიას განიცდით ან, უბრალოდ, არ გსურთ, რომ თქვენს სახლში ობობამ იცხოვროს, მეცნიერები გირჩევენ, რომ ობობა არ მოკლათ და ეს უწყინარი არსება, მოკვლის ნაცვლად, ქუჩაში გაუშვათ. ობობა წასასვლელს აუცილებლად იპოვის და არავინ დაზარალდება.

👇:

ფობიების ჩამონათვალი