ამერიკელი ქალი 25-წლიანი ქორწინების შემდეგ დაშორდა ქმარს, რომელმაც ნამცხვრის ნაჭერი შეუჭამა

ქალის მონაყოლიდან ირკვევა, რომ წყვილის ურთიერთობა ბოლო დროს ძალიან დაიძაბა - მათ ცალ-ცალკე ოთახებში ეძინათ და იშვიათად ურთიერთობდნენ. არსებობდა იმედი, რომ ერთობლივი მოგზაურობა ურთიერთობების აღდგენას დაეხმარებოდა, მაგრამ ყველაფერი პირიქით მოხდა.

პრობლემები მაშინ დაიწყო, როდესაც ქმარმა იმ სასტუმროს ნომრები დაჯავშნა, სადაც წლების წინ ცუდი მომსახურება მიიღეს და ამის გამო დაიფიცეს, რომ იქ არასოდეს გაჩერდებოდნენ.

მამაკაცმა ისევ ამ სასტუმროს დაჯავშნის ფაქტი ზაფხულის სეზონზე სასტუმროების გადატვირთულობით ახსნა.

სეირნობის დროს ის ცივად იქცეოდა და ცდილობდა ცოლს არ შეხებოდა.
ვახშამზე წყვილმა ჩიზქეიქი შეუკვეთა. ცოლმა გადაწყვიტა, რომ თავისი ნაჭერი საუზმისთვის შეენახა, თუმცა, დილით დესერტი აღარ დახვდა.

„მაცივარს ვაღებ და ცარიელია. ჩემი ნამცხვარი აღარ არის, ის კი დგას და იცინის“, - ჰყვება ქალი.

მსუნაგმა ქმარმა აღიარა, რომ ცოლს ნამცხვარი შეუჭამა, მაგრამ მისგან ასეთ მწვავე რეაქციას არ ელოდა - ქალმა განქორწინება მტკიცედ გადაწყვიტა და სასამართლოს მიმართა.

„საქმე ნამცხვარს კი არა, იმ 25 წელს ეხებოდა, როდესაც მისგან ყურადღება და ზრუნვა მაკლდა“, - განმარტა ქალმა.

***

როგორ მივხვდეთ საქორწილო ფოტოებით, რომ წყვილი მალევე განქორწინდება

განქორწინება - უცნობი ფაქტები, მიზეზები და სტატისტიკა

რატომ იკეთებს მართლმადიდებელი საქორწინო ბეჭედს მარჯვენა ხელზე? - საინტერესო ფაქტები