იაპონიაში ადამიანის დასაბანი მანქანა შექმნეს

კაფსულის შემქმნელები აცხადებენ, რომ მუშაობის დროს მათი შთაგონება იყო იაპონური ოფუროს კულტურია - ეს არის სხეულისა და სულის გაწმენდის ტრადიცია, რომელმაც 21-ე საუკუნეში მაღალტექნოლოგიური გაგრძელება მიიღო.

როგორ მუშაობს კაფსული

მოწყობილობა გამჭვირვალე გუმბათის მქონე ფუტურისტულ კაფსულის ჰგავს.

ადამიანი კაფსულში წვება, კარი იხურება და გაწმენდის ციკლი იწყება. ქაფიანი წყალი სხეულზე თანაბრად ნაწილდება, წყლის წნევასა და ტემპერატურას ათობით სენსორი აკონტროლებს, ხოლო ჩაშენებული ეკრანი სასიამოვნო, მშვიდი გარემოს შესაქმნელად მობანავე ადამიანს ბუნებრივ სცენებს - ღრუბლებს, ზღვის სანაპიროს, წვიმას ან ტყეს აჩვენებს.

კაფსულში წყლის საშუალო ტემპერატურა 38°C-ია, რაც იდეალურია დაღლილობის მოსახსნელად და ძალების აღსადგენად.

ბანაობის დასასრულისკენ წყალი ოდნავ ცივდება, რაც გამამხნევებელ ეფექტს ქმნის.

მთელი პროცედურა მხოლოდ რამდენიმე წუთს გრძელდება, მაგრამ სპა-ცენტრში ერთი საათის შეგრძნებას გაძლევთ.

სისტემას ხელოვნური ინტელექტი აკონტროლებს. ის არეგულირებს ტემპერატურას, წყლის ნაკადს და კაფსულის შიგნით ატმოსფეროსაც კი.

კაფსულში დამონტაჟებულია დინამიკები და არომატის კარტრიჯები, რაც საშუალებას გაძლევთ ბანაობის დროს წვიმის, ზღვის, ნიავის ან ფოთლების შრიალის ხმები აირჩიოთ. განათება არჩეულ რეჟიმზე ავტომატურად რეგულირდება.

***

პირველი „ადამიანის სარეცხი მანქანა“ 1970 წელს Sanyo Electric-ის მიერ შეიქმნა და წარმოდგენილი იყო ოსაკას მსოფლიო გამოფენაზე. იმ დროს მოწყობილობა ადამიანის სხეულს ქაფისა და მასაჟის ლილვაკების დახმარებით წმენდდა, მაგრამ სირთულისა და მაღალი ღირებულების გამო, პროექტი არასდროს განხორციელებულა.

ნახევარი საუკუნის შემდეგ, Science Co-მ ინტელექტუალური ტექნოლოგიის, ციფრული პანელების და ერგონომიული დიზაინის დამატებით იდეის განახლება გადაწყვიტა. თანამედროვე ვერსია არა მხოლოდ სხეულს რეცხავს - ის სრულ რეგენერაციულ რიტუალს ქმნის.

***

Mirai Ningen Sentakuki-ს მუშაობა ათასზე მეტმა ადამიანმა უკვე გამოცადა. მომხმარებელთა უმეტესობას პროცედურის შემდეგ მოდუნების, სისუფთავის და „გადატვირთვის“ შეგრძნება რჩება.

მოწყობილობის ფასი ჯერჯერობით უცნობია, მაგრამ ვიცით ის, რომ მომავალი მოდელები მომხმარებლის განწყობასთან შეგუებას მისი მდგომარეობის მიხედვით, ტემპერატურის, ხმისა და სურნელის შეცვლით შეძლებენ.

***

იაპონიაში ტალახით სახლების აშენება დაიწყეს

იაპონელმა მეცნიერებმა შექმნეს მოწყობილობა, რომელსაც სიზმრების ჩაწერა შეუძლია

იაპონიის 10 უცნაურობა