იაპონელმა მეცნიერებმა შექმნეს მოწყობილობა, რომელსაც სიზმრების ჩაწერა შეუძლია

მოწყობილობა შექმნილია მაგნიტურ-რეზონანსული ტომოგრაფიის საფუძველზე (fMRI), რომელიც სიზმრებთან დაკავშირებული ნეირონების აქტივობის ჩაწერის საშუალებას იძლევა.

ექსპერიმენტის დროს მეცნიერები აკვირდებოდნენ მოხალისეების ტვინის აქტივობას ძილის ადრეულ ეტაპებზე. როდესაც მოხალისეები სწრაფი ძილის ფაზაში შედიოდნენ, მათ აღვიძებდნენ და თავიანთი სიზმრების დაწვრილებით აღწერას სთხოვდნენ.

მონაცემების გაანალიზების შემდეგ მკვლევრებმა სიზმრების შინაარსის პროგნოზირება 60%-მდე სიზუსტით შეძლეს, ხოლო კონკრეტული ვიზუალური ელემენტების ამოცნობის სიზუსტემ 70%-ს მიაღწია. ეს მნიშვნელოვანი მიღწევაა, რომელიც სიზმრების გაშიფვრის მიმართულებით ტექნოლოგიის შესაძლებლობებს წარმოაჩენს.

ახალი ტექნოლოგია განვითარების ადრეულ ეტაპზეა, მაგრამ ტვინის ფუნქციონირების, ცნობიერებისა და სიზმრების ბუნების შესასწავლად ახალ პერსპექტივებს ხსნის.

მომავალში, ასეთი მოწყობილობები შეიძლება არა მხოლოდ სიზმრების ბუნების გასაშიფრად, არამედ ფსიქიკური აშლილობის დიაგნოსტირებისა და ადამიანის პიროვნების შესწავლისთვის გამოიყენონ.

მიუხედავად იმისა, რომ ტექნოლოგია სრულყოფას საჭიროებს, მის შემდგომ განვითარებას ადამიანის გონების უამრავი საიდუმლოს ამოხსნა შეუძლია.

ესეც დაგაინტერესებთ:

მეცნიერებმა ახსნეს, რატომ გვესიზმრება კოშმარები

უნდა ვინერვიულოთ თუ არა, თუ სიზმრები არ გვამახსოვრდება?

წინასწარმეტყველური სიზმრები - ვინ, როდის და რატომ ხედავს?

წყარო: teclearnings.com