7 ფილმი ღალატზე

სხვა ქალი

რა მოხდება, თუ ერთ დღესაც აღმოაჩენ, რომ ქმარი გღალატობს? სანამ საკუთარ ვერსიაზე დაფიქრდებით, უმჯობესია ლესლი მენის პერსონაჟი გაიცნოთ. მისი გმირი - მზრუნველი, ერთგული ცოლი, რომელიც ქმრის საყვარლის შესახებ იგებს, ნამდვილად გაგაოცებთ.

საბედისწერო ლტოლვა

ფილმი რამდენიმე ჟანრს აერთიანებს - თრილერი, მელოდრამა, რომანტიკა. იურისტ დენ გალაჰერს ბედნიერი ოჯახი აქვს. მიუხედავად ამისა ის ალექს ფორესტთან ერთად ვნებიან უიქ-ენდს ატარებს. მაგრამ ამ ჩვეულებრივ ინტრიგას, რომელსაც დენი მნიშვნელობას არ ანიჭებს, წარმოუდგენელი შედეგები მოჰყვება. სიყვარულით და საბედისწერო ლტოლვით შეპყრობილი ფორესტი, რომელსაც ფსიქოპატური გადახრებიც აქვს, დენის დევნას და შანტაჟს იწყებს.

გზაჯვარედინი

კაცები ღალატობენ. ყველგან და ყველა დროში, მაგრამ რა ხდება მათ გონებაში მაშინ, როცა ცხოვრებისეულ გზაჯვარედინზე აღმოჩნდებიან? ვის ირჩევენ და რის საფუძველზე იღებენ გადაწყვეტილებას? კაცის ფიქრების წაკითხვაში რეჟისორი მარკ რაიდელი გვეხმარება. რიჩარდ გირი კი მოღალატე ქმრის საუკეთესო ვერსიას შეუდარებლად ასახიერებს.

როდანტეს ღამეები

ოჯახის დანგრევა რთულია, მაშინაც კი, როცა გააზრებული გაქვს შენი ბედი. ეგუები იმას, რომ შენი ქორწინება უიღბლო გამოდგა. მაგრამ რა უნდა ქნა მაშინ, როცა ცხოვრება ახალ შანსს გაძლევს? როცა დაუგეგმავად პოულობ ადამიანს, რომლის ისტორიაც ძალიან ჰგავს შენსას? პასუხის ერთ ვერსიას ამ ფილმში იპოვით.

მოღალატე

ქორწინებას დროთა განმავლობაში ისე გასდის ყავლი, როგორც ამის დამაგასტურებელ მოწმობას... და რა ხდება შემდეგ? ასეთ დროს, როცა თითქოს შენს ბედისთვის ცხოვრებას განაჩენი უკვე გამოტანილი აქვს, ჩნდება ვიღაც, მესამე პირი... კონი დედა და მეუღლეა. მისმა 11-წლიანმა ქორწინებამ ედუარდთან, ვნება დაკარგა. კონი წიგნების სიმპატიურ კოლექციონერს, პოლს გადაეყრება და მასთან რომანს გააბამს. თუმცა ედუარდი მალე ეჭვს აიღებს. როგორ მოიქცევა ის - დათმობს თუ არა ცოლს ?

ქლოი

ამანდა სეიფრიდის, ჯულიანა მურისა და ლიამ ნისონის ერთ ფილმში ხილვა მაშინაც კი სასიამოვნოა, თუ ისინი ერთმანეთის მოქიშპეები არიან. ჯულიანისა და ლიამის პერსონაჟების იდეალური ოჯახი ყინულის სასახლესავით ნელ-ნელა მიწასთან სწორდება და მისგან არაფერი რჩება. მათი ტრაგედია მაყურებელს საკუთარ ოჯახში „დირეს“ დანახვაშიც შეიძლება დაეხმაროს.

ტიტების სურნელი

ფილმის სიუჟეტი მეჩვიდმეტე საუკუნის ჰოლანდიაში ვითარდება. მდიდარი მამაკაცი ღარიბ მხატვარს პორტრეტების დასახატად იქირავებს. რა შეიძლება მოხდეს, როცა ნახევრად უცნობ ადამიანს სახლში უშვებ? ერთი შეხედვით ბანალური სცენარი ბევრი დამაფიქრებელი დეტალით მრავალფეროვნდება.