ჩინეთის „ვენეცია“ - აქ დრო გაჩერდა
11:04 სამ. 5 ივლისი, 2022 წელი
თუ ფიქრობთ, რომ წყალზე აგებული ქალაქები მხოლოდ ევროპას ამშვენებს, ძალიან ცდებით - აზიას თავისი „ვენეციები“ აქვს, რომლებიც მნახველებს სილამაზით და უჩვეულო ტრადიციებით აოცებენ. მხოლოდ მდინარე იანძის მიდამოებში რამდენიმე წყალზე აგებული ქალაქია, თუმცა მათ შორის ვუჟენი გამორჩეულია.
მეცნიერები ვარაუდობენ, რომ „აღმოსავლეთის ვენეციაში“ პირველი დასახლება 7000 წლის წინათ გაჩნდა. ქალაქის უმეტესი ნაწილი დღესაც უძველესი ნაგებობებისგან შედგება, რომლებმაც ჩვენს დრომდე შესანიშნავად მოაღწიეს.
ვუჟენი ცნობილია ულამაზესი ხიდებით, თვალწარმტაცი არხებითა და ადგილობრივი მცხოვრებლების ცხოვრების წესით, რომელიც საუკუნეების განმავლობაში არ შეცვლილა - ეს ხალხი, როგორც ძველად, საკვებს დღესაც სახლიდან გაუსვლელად ყიდულობს. ამისთვის მხოლოდ ფანჯრიდან გახედვა და ირგვლივ მცურავ სავაჭრო ნავებზე პროდუქტის არჩევაა საჭირო.
ვუჟენის არქიტექტურა და ტრადიციების მოყვარული მოსახლეობა ყოველწლიურად უამრავ ტურისტს იზიდავს.
ესეც ნახეთ 👇
სიახლეები ამავე კატეგორიიდან
