დანიაში პოლიტიკური პარტიის ხელმძღვანელი ხელოვნური ინტელექტი გახდა

პოლიტიკურ ძალას სინთეტიკური პარტია ეწოდება და იგი დააარსეს ხელოვნურ ინტელექტზე მომუშავე ორგანიზაციებმა Computer Lars და MindFuture Foundation.

პარტიის ლიდერი ლარსი, რეალურად ხელოვნური ინტელექტის ჩეთბოტია. ის დაპროგრამებულია სამეფოს ყველა პარტიის პოლიტიკაზე, მოყოლებული 1970-იანი წლებიდან.

ვინაიდან პარტიის ლიდერი მანქანაა, მას არჩევნებში მონაწილეობის უფლება არ აქვს, თუმცა აკრძალვა არ ვრცელდება პარტიის წევრ ადამიანებზე.

ასე რომ, შესაძლებელია, დანიის პარლამენტში მოხვდნენ პოლიტიკოსები, რომელთა ლიდერი ხელოვნური ინტელექტია.

ამბობენ, რომ სინთეტიკურ პარტიას დანიის პარლამენტში მოხვედრის მცირე შანსები აქვს. საქმე ისაა, რომ ქვეყნის კანონმდებლობით, პარტიებმა 20 000 მხარდამჭერის ხელმოწერა უნდა შეაგროვონ, ახალ პოლიტიკურ ძალას კი ამჟამად მხოლოდ 11 მხარდამჭერის ხელმოწერა აქვს.

წყარო: finance.yahoo.com