პატიმარი, რომელიც 5 წლის განმავლობაში გვირაბს თხრიდა, ბადრაგების ოთახში აღმოჩნდა

სამაგიეროდ, ცნობილია მეორე ბრაზილიელი პატიმარი - ჯადსონ კუნია ევანგელისტა, რომელიც იმ დროს გარდაიცვალა, როდესაც საოცნებო თავისუფლებისგან ერთ მეტრზე ნაკლები აშორებდა, ამის შესახებ ინგლისური ყოველდღიური გაზეთი Daily Mail წერს.

მამაკაცი Boa Vista-ს ციხეში (ჩრდილოეთ ბრაზილიაში) მკვლელობის ბრალდებით მოხვდა, მაგრამ თავს დამნაშავედ არ მიიჩნევდა და გამუდმებით ციხიდან თავის დაღწევის გზებს ეძებდა. საბოლოოდ, ევანგელისტამ თავისი საკნის ტუალეტიიდან გვირაბის გათხრა გადაწყვიტა და საქმეს შეუდგა. თავისუფლების წყურვილი იმდენად ძლიერი იყო, რომ რამდენიმე თვეში პატიმარმა 70 მეტრის სიგრძის გვირაბი გათხრა, მაგრამ მაშინ, როდესაც ოცნებას ერთ მეტრზე ნაკლები მანძილი აშორებდა, ჟანგბადის ნაკლებობის გამო გაიგუდა.

ფოტოზე: გარდაცვლილი ბრაზილიელი პატიმარი ჯადსონ კუნია ევანგელისტა

თავისუფლებისკენ მიმავალი გზა ევანგელისტას საკნიდან ციხის მაღალი გალავნის გავლით ტყეში სრულდებოდა. პოლიციამ გვირაბში გაშლილი კაბელი და ნათურა იპოვა, რომელიც გვირაბს ანათებდა. ჯადსონს ფეხზე ტომარა ჰქონდა მიბმული, რომელშიც პირადი ნივთები ეწყო.

პატიმრის გვამის გატანის შემდეგ ციხის დირექციამ ჯადსონის გვირაბი მთლიანად აავსო.