როგორ იჩხუბეს საბჭოთა კოსმონავტებმა კოსმოსში არყის გამო

კოსმონავტები ორბიტულ სადგურზე 1975 წლის მაისში, სოიუზ-18-ით ჩაფრინდნენ. საბოლოოდ, ექსპედიცია, რომელიც 28 დღე უნდა გაგრძელებულიყო, 35 დღე გაგრძელდა.

როგორ აღმოჩნდა კოსმოსში არაყი?

საქმე ისაა, რომ იმ წლებში, ხანგრძლივი ფრენების დროს იმუნიტეტის შესანარჩუნებლად, კოსმონავტების პირველადი სამედიცინო დახმარების ნაკრებში შედიოდა ელეუტეროკოკის სპირტზე დამზადებული ნაყენი. კოსმოსთან ადაპტაცია რომ გაადვილებოდათ, კლიმუკმა და სევასტიანოვმა ბოთლი ფრენის დასაწყისში გაანახევრეს, ხოლო მეორე ნახევრის „ათვისებას“ ფრენის დასრულებისას გეგმავდნენ. როდესაც ფრენის გახანგრძლივების შესახებ გაიგეს, კოსმონავტებმა ნაყენის ბოლომდე დალევა გადაწყვიტეს, მაგრამ აღმოაჩინეს, რომ მასში მხოლოდ 50 გრამი იყო დარჩენილი.

კლიმუკმა და სევასტიანოვმა ერთმანეთი სასმლის ჩუმად დალევაში დაადანაშალეს და მცირე დაპირისპირების შემდეგ ურთიერთობა გაწყვიტეს. რამდენიმედღიანი ბუტიაობის შემდეგ სევასტიანოვს ნერვები აღარ ეყო და დარჩენილი სასმელი კოლეგას დაუთმო. საბოლოოდ, კოსმონავტებმა აღმოაჩინეს რომ ბოთლში მწარე კონცენტრატი დარჩენილა, ხოლო სასმელის ალკოჰოლური კომპონენტი მთლიანად აორთქლებულა. ამით კოსმონავტებს შორის კონფლიქტი ამოიწურა.

ამჟამად კოსმოსურ სადგურებზე ალკოჰოლის და ალკოჰოლის შემცველი ნივთიერებების (დეოდორანტები, ტუალეტის წყალი და ა.შ) არსებობა ოფიციალურად აკრძალულია, რადგან მისმა ორთქლმა შეიძლება ჰაერის გამწმენდი სისტემის მყისიერი მოშლა გამოიწვიოს.

წყარო: ria.ru