ცისფერი თვალების საიდუმლო

fun time

14:00 კვი. 1 აგვისტო, 2021 წელი

დაკოპირებულია

პოეტების საყვარელი ცისფერი თვალები HERC2-ის გენის მუტაციაა და სხვა არაფერი. სანამ მუტაცია მოხდებოდა, ყველა ადამიანს ყავისფერი თვალები ჰქონდა, - აცხადებს კოპენჰაგენის უნივერსიტეტის უჯრედოვანი და მოლეკულური მედიცინის დეპარტამენტის ხელმძღვანელი ჰანს ეიბერგი...

HERC2 გენის მუტაცია, დაახლოებით, 10 ათასი წლის წინათ ახლო აღმოსავლეთში დაიწყო და თვალის ფერად გარსში მელანინის გამომუშავების შემცირებაში გამოიხატა.

მუტაცია - გენოტიპის სახეცვლილება, რომელიც ხორციელდება გარე ან შიდა გარემოს გავლენით. სწორედ მუტაციის წყალობით გარდაიქმნება ყავისფერი თვალები ცისფრად.

ყველაზე საინტერესოა, რომ შეიძლება თვალის ფერი ცხოვრების მანძილზე შეიცვალოს, რაც გამოწვეულია თვალის ფერად გარსში მელანინის დაგროვებით.

ცნობისთვის, ფერადი გარსი ექტოდერმული და მეზოდერმული შრეებისგან შედგება. თვალის ფერის ცვალებადობა შრეებში პიგმენტების განაწილების ხასიათზეა დამოკიდებული.
მაგალითად, ახალშობილს შესაძლოა, ღია ფერის თვალი დროთა განმავლობაში გაუმუქდეს. ხანდაზმულ ადამიანს კი პირიქით - ოდნავ გაუღიავდეს, რაც მეზოდერმულ შრეებში გამჭვირვალობის შემცირებას უკავშირდება.