უნდა იჩქაროთ - გზა, რომელიც დღეში 2-ჯერ იძირება
14:00 კვი. 20 ივნისი, 2021 წელი
ეს საოცარი გზა Passage du Gois, რომელიც საფრანგეთის კუნძულ ნუარმუტიეს ხმელეთთან აკავშირებს, ბუროეფის ყურეში მდებარეობს და დღეში მხოლოდ 2-ჯერ, 1-2 საათით იხსნება. საქმე ის გახლავთ, რომ ზღვის მოქცევის დროს, გზა წყლის ქვეშ, 4 მეტრის სიღრმეზე იძირება და ზედაპირზე მხოლოდ მიქცევის დროს ამოდის.
პასაჟ დუ გუას სიგრძე 4,5 კილომეტრია და ის ყველაზე გრძელი მოქცევითი გზაა მსოფლიოში.
თავდაპირველად, კუნძულ ნუარმუტიეზე მოხვედრა მხოლოდ ნავით იყო შესაძლებელი, მაგრამ შემდეგ ადგილობრივმა მცხოვრებლებმა აღმოაჩინეს, რომ ბურნოფის ყურეში სრულყოფილი გზა ჩამოყალიბდა და ამ შანსის გამოყენება გადაწყვიტეს.
ბურნოფის ყურეში წყლის მიმოქცევის შედეგად წარმოქმნილი ეს ბუნებრივი გადასასვლელი, პირველად, 1701 წელს გამოშვებულ რუკებზეა დაფიქსირებული.
მიუხედავად იმისა, რომ მიქცევისა და მოქცევის დრო ყურეს ორივე მხარეს განთავსებულ აბრებზეა მითითებული, გზაზე გადაადგილება მაინც სახიფათოა.
მოქცევის დროს წყალი ძალიან სწრაფად იმატებს, ამიტომ მათთვის, ვინც გზის გადაკვეთა ვერ მოასწრო, გზის მთელ სიგრძეზე კოშკები აშენდა. დაგვიანებულ მგზავრებს საშუალება აქვთ, კოშკზე ავიდნენ და მიქცევას დალოდონ, მაგრამ ავტომობილის გადარჩენა შეუძლებელია.
სიახლეები ამავე კატეგორიიდან
