ზღაპრული ქალაქი მაროკოში - რატომ არის ჩეფჩაოუენი ლურჯი?

ებრაელები მიიჩნევდნენ, რომ ლურჯი ფერი ცისა და სამოთხის სიმბოლოა და რაც უფრო ხშირად შეხედავდნენ ლურჯ ფერს, მით უფრო ხშირად გაიხსენებდნენ ცასა და ღმერთს.

დროთა განმავლობაში ეს ტრადიცია ამ ქალაქის განუყოფელ ნაწილად იქცა.

თუმცა, არსებობს მეორე ვერსიაც - ლურჯი ფერი ამ ქალაქს კოღოებისგან იცავს.

ქალაქი დაარსდა 1471 წელს. მისი სახელწოდება ჩეფჩაოუენი წარმოშობილია ბერბერული სიტყვისგან achawen, რაც „რქებს“ ნიშნავს - ეს, როგორც ჩანს, ქალაქის ირგვლივ არსებული მთაგრეხილის ასოციაციაა.

მოსახლეობა: 42,786 ადამიანი (2014 წლის მონაცემებით);

რელიგია: აქ სუნიტები ცხოვრობენ. ქალაქში აშენებულია 20 მეჩეთი და 30-ზე მეტი სალოცავი ადგილი.

სხვათა შორის, ჩეფჩაოუენი 2010 წელს შეიტანეს იუნესკოს კაცობრიობის არამატერიალური კულტურული მემკვიდრეობის სიაში და ეს მოხდა ამ მხარეში დამკვიდრებული ხმელთაშუა ზღვის დიეტის პრაქტიკის გამო!

მიუხედავად იმისა, რომ ქალაქი აფრიკაში მდებარეობს, მისი რეგიონული კლიმატი, ბუნებრივი გარემო, მემკვიდრეობით მიღებული ტრადიციები და მცენარეულ პროდუქტებზე დამყარებული სამზარეულო სრულად ეხმიანება ხმელთაშუა ზღვის ცხოვრების წესს.

ასეთი კვების პრაქტიკა, როგორც მედიცინა ამბობს, იცავს ადამიანს გულ-სისხლძარღვთა დაავადებებისგან, ამცირებს ალცჰაიმერისა და პარკინსინის რისკებს, ხელს უწყობს ჯანსაღ ორსულობას და ა.შ.;

გთავაზობთ, ერთად გავისეირნოთ ამ ზღაპრული ქალაქის ვიწრო ქუჩებში...