გადაღებებზე დაწყებული სიყვარული და ქორწილი კორონავირუსის წესებით

წყვილმა ერთმანეთი სამსახურში გაიცნო. სოფო ჟურნალისტი იყო საინფორმაციო სააგენტოში, სადაც ნიკა მძღოლად მუშაობდა...

2020 წლის 19 მაისი წყვილისთვის დაიწყო, როგორც ერთი ჩვეულებრივი სამუშაო დღე. გადაღებაზე ოჭანეს დედათა მონასტერში წავიდნენ.

სიუჟეტისთვის ბოლო, დაისის კადრი სჭირდებოდათ, რისთვისაც სოფო აღმართზე უნდა ასულიყო. იქ ზევით, 9 მეტრიანი რკინის ჯვარია აღმართული...

სწორედ ამ აღმართზე ასასვლელად გაუწოდა და ჩასჭიდა ხელი ნიკამ სოფოს... ეს იყო პირველი ჟესტი, რომელმაც გოგო-ბიჭს შორის თბილი გრძნობები გააჩინა.

შემდეგ იყო მივლინება სვანეთში და აქტიური მიმოწერა სოციალურ ქსელში...
მიუხედავად იმისა, რომ მთელ დღეს ერთად ატარებდნენ, სიყვარულზე ხმა დიდხანს არცერთს დასცდენია.

შემდეგ სამსახურიც ერთდროულად დაკარგეს, რამაც წყვილს, როგორც თავად ამბობენ, „დრო“ გამოუთავისუფლა ოჯახის შესაქმნელად.

გაცნობიდან 9 თვის თავზე დაქორწინდნენ... პანდემიის პირობებში 50-კაციანი ქორწილი გადაიხადეს, საიდანაც 21:00 საათზე ყველა სტუმარი უკვე სახლში იყო...