პრინც უილიამის საყვარელი შოკოლადის ტორტის რეცეპტი - ცხობა არ სჭირდება!

საქორწინო ტორტი ორცხობილა Mcvitie's -ის მწარმობელმა კომპანიამ 1700 გრამი ორცხობილისა და 17 კგ შოკოლადისგან დაამზადა!

სამეფო ტორტის რეცეპტი ძალიან მარტივია, ამიტომ ჩვენს გურმან მკითხველებს მისი დამზადება არ გაუჭირდებათ.

4-6 ნაჭრიანი შოკოლადის ტორტის მოსამზადებლად საჭირო პროდუქტი:

• კარაქი - 340 გრ
• სიმინდის სიროფი (გლუკოზა) - 240 გრ
• კაკაო - 60 გრ
• შავი შოკოლადი - 120 გრ
• ვანილი - 5 გრ.
• ფსტა - 60 გრ
• ლეღვის ჩირი - 100 გრ
• დაფშვნილი ორცხობილა - 450 გრ

მომზადების წესი:

1. კარაქი და კაკაო კარგად აურიეთ, სანამ ერთგვაროვან მასას არ მიიღებთ;

2. დაამატეთ სიროფი და ვანილი;

3. ფსტა და ლეღვის ჩირი წვრილად დაჭერით, ამ მასას დაუმატეთ კარაქი და აურიეთ;

4. მიღებული მასა 1 საათით მაცივარში მოათავსეთ;

5. მასა მაცივრიდან გამოიღეთ, დატეხილი ორცხობილა დაუმატეთ და აურიეთ;

6. ორცხობილიანი მასა ფორმაში გადაიტანეთ (შეგიძლიათ სილიკონის ფორმა გამოიყენოთ) და კარგად ჩატკეპნეთ, რათა ფორმა მიიღოს;

7. ამოიღეთ ტორტი ფორმიდან;

8. შოკოლადი ორთქლის აბაზანაზე გაადნეთ და ტორტს დაასხით;

9. სულ ბოლოს კი ტორტი ორი საათით მაცივარში მოათავსეთ;

სულ ეს არის!

შენიშვნა:

შეგიძლიათ ტორტს ალუბლის ჩირი დაუმატოთ ან ფსტა ნიგვზით ჩაანაცვლოთ. ტორტის მომზადებისთვის დაახლოებით 4 საათი დაგჭირდებათ.

გემრიელად მიირთვით!

ასევე, შეგიძლიათ ნახოთ Funtime-ს სხვა ტკბილეული ცხობის გარეშე 😋