არაჟნის მოხარშული კრემი

საჭირო პროდუქტი:

• არაჟანი (20% და ზემოთ) – 300 გრ.
• კარაქი – 250 გრ.
• შაქარი – 170 გრ.
• კვერცხი – 1 ცალი
• სიმინდის სახამებელი – 25 გრ.
• მარილი – მწიკვი
• ვანილი – მწიკვი

მომზადების წესი:

1. პატარა ქვაბში ჩაყარეთ შაქარი, მარილი, სახამებელი და აურიეთ.

2. შაქრიან მასას დაუმატეთ არაჟანი და კვერცხი და სწრაფი მორევით დაბალ ცეცხლზე დაადგით.

3. გათბობის შედეგად მასა გათხელდება.

4. წამოდუღებისთანავე, კრემი დაიწყებს შესქელებას.

5. როგორც კი კრემი გასქელდება, ცეცხლი გათიშეთ და კრემს კიდევ 2 წუთის განმავლობაში ურიეთ. კრემიანი ჯამი ცივ წყალში ჩადგით და გააცივეთ.

6. სანამ კრემის ფაფა ცივდება, რბილ კარაქს დაუმატეთ ვანილი და მიქსერით ათქვიფეთ.

7. გაციებული კრემის ფაფა სამ ნაწილად დაამატეთ ათქვეფილ კარაქს და ყოველი დამატების შემდეგ მიქსერით ათქვიფეთ.

8. მზა კრემი ძალიან ფაფუკი და რელიეფური გამოდის და მკვეთრად გამოხატული გემო აქვს.

რჩევები:

არაჟანი შეიძლება იყოს ნებისმიერი ტემპერატურის;

კარაქი უნდა იყოს ნატურალური, მინიმუმ 72,5%-იანი ცხიმიანობით;

კარაქისა და კრემის ფაფის შერევამდე ორივე მასა უნდა იყოს გაციებული;

კრემის შენახვის ვადა დამოკიდებულია არაჟნის ვადაზე, რომელიც მითითებულია შეფუთვაზე.