ბლომანჟე შოკოლადით — ნაზი და მსუბუქი ფრანგული დესერტი

ეს დესერტი პუდინგს წააგავს, თუმცა გაცილებით მსუბუქი შემადგენლობა და ნაზი გემო აქვს. მთავარი განსხვავება ისაა, რომ პუდინგს თერმული დამუშავება არ სჭირდება, როცა ბლონმანჟეს შემთხვევაში, ნარევი აუცილებლად უნდა ადუღდეს.

საჭირო პროდუქტი:

• სიმინდის სახამებელი — 1/4 ჭიქა
• შაქრის პუდრა — 3 ს.კ.
• კაკაოს ფხვნილი — 1 ს.კ.
• რძე — 2 ჭიქა
• მუქი შოკოლადი — 80 გ
• ვანილი — 1,5 გრ.

ბლომანჟეს მომზადება

1. პატარა ჯამში აურიეთ სიმინდის სახამებელი, შაქრის პუდრა და კაკაოს ფხვნილი.

2. შოკოლადი გაახეხეთ ან წვრილად დაჭერით.

3. ქვაბში ჩაასხით რძე, დაუმატეთ სახამებლის, შაქრისა და კაკაოს ნარევი და შოკოლადი. ქვაბი საშუალო ცეცხლზე დადგით, განუწყვეტლივ ურიეთ და მიიყვანეთ ადუღებამდე. მნიშვნელოვანია მუდმივი მორევა, რათა კარგად გაიხსნას და არ „დაკორკოშელავდეს“.

4. ნარევს დაუმატეთ ვანილი, აურიეთ, ფორმებში ჩაასხით და მაცივარში შედგით, რომ გამაგრდეს.

5. როცა დესერტი გამაგრდება, ფორმიდან ფრთხილად ამოიღეთ და ლანგარზე დადეთ.

6. დესერტი ნაღების ქაფით, კენკრით ან ხილით მორთეთ და გემრიელად მიირთვით.