თაფლის ტორტი - მარტივი დესერტი ცხობის გარეშე

საჭირო პროდუქტი:

• კარაქი -130 გრ.
• კვერცხი -2 ცალი
• მარილი -1/3 ჩ.კ.
• თაფლი -100 გრ.
• სოდა -1 ჩ.კ.
• ფქვილი -300-350 გრ.

არაჟნის კრემისთვის:

• არაჟანი (15-25%-იანი) -500 გრ.
• შაქრის პუდრა - 5-6 ს.კ.
• ლიმონმჟავა - 1/4 ჩ.კ.

მომზადების წესი:

ლითონის ჯამში მოათავსეთ 130 გრ კარაქი, 2 კვერცხი, 100 გრ თაფლი და ცოტა მარილი.

ჯამი წყლის აბაზანაზე დადგით და ურიეთ, სანამ კარაქი მთლიანად არ გადნება. ბოლოს 1 ჩ/კ სოდა დაამატეთ და კარგად აურიეთ.

კვერცხიანი მასა რომ აქაფდება, დაუმატეთ 200 გრამი ფქვილი, კარგად მოურიეთ და გადმოდგით ცეცხლიდან.

დაახლოებით 5 წუთში, როცა ცომი გაცივდება, დაუმატეთ დარჩენილი 100-150 გრამი ფქვილი და ცომი მოზილეთ.

ცომი 8 ნაწილად გაყავით და ტაფაზე, ორივე მხრიდან გამოაცხვეთ.

სანამ ცხელია, თაფლიან ფირფიტებს კიდეები შემოაჭერით და დაფშვენით.

არაჟნის კრემი:

არაჟანს დააყარეთ შაქრის პუდრი და კოვზით აურიეთ. მიქსერით თქვეფა საჭირო არ არის, თორემ კრემი გათხელდება.

მომზადებული კრემი ტორტის ყველა ფენას წაუსვით და ერთმანეთზე დაალაგეთ.

ტორტს თავზე და გვერდებზე ნაფშვენები მოაყარეთ და, დაახლოებით, 4 საათი გააჩერეთ.

შემდეგ კი გემრიელად მიირთვით!

ესეც სცადეთ:

ხაჭოს დესერტი ცხობის გარეშე

ბანანის ტორტი ცხობის გარეშე

სამარხვო დესერტი — შოკოლადის მაფინები