ბანანის ტორტი ცხობის გარეშე

საჭირო პროდუქტი

• რძე - 500 მლ
• კვერცხის გული - 3
• შაქარი - 170 გრ
• ფქვილი - 2 ს.კ.
• კაკაოს ორცხობილა - 400 გრ
• ბანანი - 2 ცალი
• კაკაოს ფხვნილი (თავზე მოსაყრელად) - 1 ს.კ.
• ვანილის ესენცია - 5 წვეთი

ტორტის კრემი

კრემის მოსამზადებლად რძე, დაახლოებით, 70-80C-მდე გააცხელეთ.

საშუალო ზომის ჯამში კვერცხის გულები შაქართან ერთად ათქვიფეთ და ორი კოვზი ცხელი რძე დაუმატეთ.

ამის შემდეგ კვერცხის გულებს ვანილის ესენცია, ფქვილი და ცხელი რძე დაუმატეთ, კარგად აურიეთ და ცეცხლზე დადგით.

კრემი შესქელებამდე ხარშეთ, როგორც კი თავის „მოჭმუჭნას“ დაიწყებს, ცეცხლიდან გადმოდგით და გააგრილეთ.

ტორტის აწყობა

ფართო ლანგარზე ინგრედიენტები ამ თანმიმდევრობით განათავსეთ:

კრემი, ორცხობილა, კრემი, თხლად დაჭრილი ბანანი, ორცხობილა, ბანანი, ორცხობილა, კრემი, ბანანი და ა.შ.

ტორტი მაცივარში 3-6 საათით შედგით, შემდეგ კი გემრიელად მიირთვით.

***

სცადეთ სხვადასხვა დესერტი ცხობის გარეშე