უკოფეინო ყავა - მოამზადეთ ფინიკის კურკებისგან

ყავის მოსამზადებლად ფინიკის კურკებს რეცხავენ ცივი წყლით, აშრობენ ქაღალდის ხელსახოცზე, ტაფაზე ხალავენ და შემდეგ ფქვავენ.

შრობისა და მოხალვის ხანგრძლივობა დამოკიდებულია იმაზე, თუ როგორი გემოს სასმელი გსურთ.

მომზადების ეტაპები დაახლოებით ისეთია, როგორიც ჩვეულებრივი ყავის შემთხვევაში - თუ უფრო ინტენსიური და მდიდარი გემო მოგწონთ, 20-30 წუთით მოხალვა დაგჭირდებათ, ხოლო თუ მსუბუქი — 10 წუთიც საკმარისია.

ერთი ფინჯანი სასმელისთვის, დაახლოებით, 9 დიდი კურკაა საჭირო, 200 გრამი ყავის ფხვნილის მისაღებად კი, დაახლოებით, 2.5 კგ. ფინიკის შეჭმა მოგიწევთ.

ფინიკის უკოფეინო ყავის მომზადების წესი:

1. ფინიკის კურკებს რბილობი და მოაცილეთ და გასაშრობად, 100 გრადუსამდე გახურებულ ღუმელში 30 წუთით მოათავსეთ.

2. გამშრალი ფინიკის კურკები მშრალ ტაფაზე მოხალეთ, სანამ მოწითალო ფერს მიიღებს.

3. მოხალული ფინიკის კურკები ყავის საფქვავით დაფქვით.

4. ერთი ჭიქა სასმლისთვის (250 მლ წყალი) 2 ჩაის კოვზი ფინიკის კურკის ფხვნილი დაგჭირდებათ. ფინიკის ყავა ჩვეულებრივი ყავის მსგავსად მოხარშეთ.

რა თქმა უნდა, კლასიკური ყავის მოყვარულები საყვარელ სასმელს ასე ადვილად არ ჩაანაცვლებენ, მაგრამ ის აუცილებლად მოეწონებათ ადამიანებს, რომლებსაც წნევა და გული აწუხებთ.

ჩვეულებრივი ყავისგან განსხვავებით, უკოფეინო ყავა უძილობას, წნევის მომატებას და გულისცემის აჩქარებას არ იწვევს.

თანაც, ფინიკის კურკისგან მომზადებული ყავა აუმჯობესებს ნაწლავების პერისტალტიკას და აჩქარებს ნივთიერებათა ცვლას.

გემრიელად მიირთვით!

ესეც უნდა იცოდეთ:

ფინიკის სასარგებლო თვისებები

ციკორის ყავა

ზეთიანი ყავა წონაში დასაკლებად

ნალექიანი ყავის მომზადება - 4 „ოქროს წესი“