ციკორის ყავა

ციკორი ანუ ვარდკაჭაჭა (Cichorium intybus) მცენარეა, რომელიც გზისპირას ან ბორცვებზე იზრდება. ზოგ ქვეყანაში ის სამკურნალო მიზნებით მოჰყავთ.

ვარდკაჭაჭას ფესვები ხსნადი ბოჭკოს - ინულინის მდიდარი წყაროა. ციკორის ინულინს ზოგ პროდუქტში ცხიმის ან შაქრის ჩასანაცვლებლად იყენებენ, რაც კალორიების შემცირებას იწვევს.

ინულინი პოლისაქარიდია, რომელიც ცხელ წყალში კარგად იხსნება. ის ხელს უწყობს სისხლში შაქრის დონის შემცირებას, აუმჯობესებს მეტაბოლიზმს და საჭმლის მონელებას.

შეიცავს ვიტამინებს A, B1, B2, B3 (PP), B5, B6, B9, C.

მინერალებს: კალიუმი, კალციუმი, მაგნიუმი, ნატრიუმი, ფოსფორი, რკინა, სპილენძი, სელენი, თუთია, მანგანუმი.

ციკორის ყავის სასარგებლო თვისებები

ციკორის ყავა ფასდაუდებელი პროდუქტია დიაბეტით დაავადებულებისთვის, რადგან სისხლში შაქრის დონეს არ ზრდის.

დადებითი ეფექტისთვის ზრდასრულმა ადამიანმა დღეში 2,5 გრ ინულინი უნდა მიიღოს, რამდენსაც დაახლოებით 2 ფინჯანი ყავა შეიცავს.

გვეხმარება, რომ სისხლში ჯანსაღი ქოლესტერინის დონე შევინარჩუნოთ

ინულინის გარდა, ციკორის ფესვი ასევე შეიცავს პექტინს, ცელულოზას და ჰემიცელულოზის ბოჭკოებს. ამ ბოჭკოების ერთობა მავნე ქოლესტერინის შემცირებაში გვეხმარება. პექტინი სისხლში შაქრის კონტროლს აუმჯობესებს.

ციკორის შემადგენლობაში შემავალი ინულინი საჭმლის მომნელებელი სისტემის მუშაობას აუმჯობესებს.

ციკორის ყავა, ნამდვილისგან განსხვავებით, ნერვულ სისტემას ამშვიდებს.

კარგი საშუალებაა ჭარბი წონის დასაკლებად, კანისთვის, თმისთვის, ღვიძლისთვის და სხვ.

ვარდკაჭკაჭას უკუჩვენება

ციკორის მიღებისგან თავი უნდა შეიკავონ არყის ხის მტვრის მიმართ ალერგიულმა ადამიანებმა, რადგან ციკორს არყის ხის მსგავსი ნაერთები აქვს და ალერგიულ ადამიანებში შეიძლება პირის ღრუს ისეთი პრობლემები გამოიწვიოს, როგორიცაა შეშუპება.

ციკორის ყავას ასთმიანი ადამიანებიც უნდა ერიდონ, რადგან შეიძლება ხველა გამოიწვიოს.

ციკორის ყავის დალევა არ შეიძლება ანტიბიოტიკების მიღების დროს.

ესეც სცადეთ:

ნალექიანი ყავის მომზადება - 4 „ოქროს წესი“