გაიცანით შარაფუგა და მისი სასარგებლო თვისებები

შარაფუგას შემქმნელი ამერიკელი ბიოლოგი ფლოიდ ზეიგერია.

სელექციონერმა ჰიბრიდული მცენარის გამოყვანას 30 წელი მოანდომა და გლობალურ ბაზარზე 1989 წელს წარადგინა.

ეგზოტიკური ხილის ნაყოფში 70% არის ქლიავი, 25% გარგარი და 5% ატამი. შარაფუგას ნაყოფი ზომით ქლიავზე დიდია (50-770 გრ). ერთ ზრდასრულ ხეზე მისი მოსავლიანობა 30-50 კგ-ს შეადგენს!

შარაფუგა უპრეტენზიო და ყინვაგამძლე მცენარეა, რომელიც ნებისმიერ ნიადაგზე სწრაფად იზრდება. სამხრეთული წარმოშობის მიუხედავად, მას -25 გრადუსამდე ყინვის ატანა შეუძლია.

ერთი სიტყვით, მინიმალური მოვლით შესანიშნავი შედეგი გარანტირებულია.

***

შარაფუგას პოპულარული ჯიშებია: Dapple Dandy, Flavor King და Flavor Supreme.

ფოტოზე: შარაფუგა Flavor Supreme

ნერგის დარგვის დრო აპრილი-მაისია. კალიფორნიაში შარაფუგას „ჰიბრიდების მეფეს“ უწოდებენ.

მრავალწლიანი სელექციის შედეგის გემო შეუდარებელია - ეს არის სიტკბოსა და მცირე მჟავიანობის ჰარმონიული კომბინაცია, რომელიც გემოთი გარგარსა და ატამს წააგავს და ოდნავ თაფლის გემოც დაჰკრავს.

შარაფუგას ქლიავივით პიალა კანი აქვს. ნაყოფის რბილობი მოყვითალო-მოწითალო ფერის, მკვრივი და წვნიანია.

***

შარაფუგა შეიცავს ორჯერ მეტ A ვიტამინს, ვიდრე ქლიავი. მასში შემავალი E ვიტამინი შესანიშნავი ანტიოქსიდანტია, რომელიც სისხლის მიმოქცევას მნიშვნელოვნად აუმჯობესებს.

აქვს C, K და B3 ვიტამინების მაღალი შემცველობა, შეიცავს დიდი რაოდენობით მინერალებს, მათ შორის: სპილენძს, მანგანუმს, მაგნიუმს და ფოსფორს. ეს მინერალები საკვები ბოჭკოების წყაროა.

შარაფუგაში შემავალი დიდი რაოდენობით კალიუმი ხელს უწყობს გულ-სისხლძარღვთა სისტემის ნორმალურ მუშაობას.

A ვიტამინის მაღალი დონე განსაკუთრებით სასარგებლოა კანისა და მხედველობისთვის.

თუთიისა და მაგნიუმის შემცველობა ხელს უშლიან სიმსუქნეს და ნერვული სისტემის დაავადებების განვითარებას;

შარაფუგას რეგულარული მოხმარება ხელს უწყობს იმუნური სისტემის გაძლიერებას, გულ-სისხლძარღვთა ფუნქციის გაუმჯობესებას და ნივთიერებათა ცვლის მოწესრიგებას.

გამოიყენება პრემიუმ კლასის მურაბების დასამზადებლად.

***

ვაშლატამა - „ბუნების შეცდომა“ და მისი სასარგებლო თვისებები

ქლიავის ჩირის მომზადება - 5 საუკეთესო ხერხი

გარგრის ჩირის მომზადება სახლის პირობებში