გადატვირთული სამუშაო გრაფიკის გამო ყოველწლიურად 800 000-ზე მეტი ადამიანი იღუპება

გადატვირთული გრაფიკით მომუშავე ადამიანებში, მარცხენა შუა შუბლის ხვეულის მოცულობა სტანდარტული გრაფიკით მომუშავეებთან შედარებით 19%-ით დიდი აღმოჩნდა. ეს ხვეული კოგნიტიურ ფუნქციებს უკავშირდება. გარდა ამისა, ცვლილებები დაფიქსირდა კუნძულოვან ქერქსა და ზედა საფეთქლის ხვეულში, რომლებიც გადამწყვეტ როლს ასრულებენ: ა) სამუშაო მეხსიერების შენარჩუნებაში; ბ) პრობლემების გადაჭრაში; გ) ემოციების მართვაში.

მკვლევართა ვარაუდით, ტვინის მოცულობის გაზრდა შესაძლოა ქრონიკულ სტრესზე ნეიროადაპტაციური რეაქცია იყოს, თუმცა ზუსტი მექანიზმები ჯერ კიდევ დასადგენია.

ხანგრძლივი გადაღლა ძილის რეჟიმსაც არღვევს, რაც სტრესულ რეაქციას ააქტიურებს და შფოთვისა და დეპრესიის რისკს ზრდის. ქრონიკული სტრესი და არასათანადო დასვენება ტვინის მორფოლოგიასა და კავშირებს ცვლის, რაც საბოლოოდ კოგნიტიურ და ემოციურ დარღვევებამდე მიდის.

შრომის საერთაშორისო ორგანიზაციის მონაცემებით, გადატვირთული სამუშაო გრაფიკის გამო მსოფლიოში ყოველწლიურად 800 000-ზე მეტი ადამიანი იღუპება.

მეცნიერები აღნიშნავენ, რომ ეს წინასწარი დასკვნებია. იმის დასადგენად, შესაძლებელია თუ არა სამუშაო დატვირთვის შემცირებით ცვლილებებთან გამკლავება, აუცილებელია გრძელვადიანი კვლევები.

ჟურნალში Occupational & Environmental Medicine გამოქვეყნებული კვლევის თანახმად სამსახურში გადატვირთვა ჯანდაცვის კრიტიკულ პრობლემად უნდა განიხილებოდეს. შესაბამისად, ექსტრემალური სამუშაო საათების შესამცირებლად სპეციალური პოლიტიკის შემუშავებაა საჭირო.

***

სამუშაო საათები მსოფლიოში - ქვეყნები ყველაზე მეტი და ყველაზე ნაკლები სამუშაო დროით

იაპონელების კვლევა: დისტანციური მუშაობა და ჯანმრთელობა

ტვინის მუშაობის გაუმჯობესება - 12 შეუცვლელი პროდუქტი!