იცით თუ არა

სამუშაო საათები მსოფლიოში - ქვეყნები ყველაზე მეტი და ყველაზე ნაკლები სამუშაო დროით

fun time

17:27 ოთხ. 29 ნოემბერი, 2023 წელი

შრომაჰოლიკი

14
დაკოპირებულია

სულ ახლახან ცნობილმა ბრიტანელმა პროდიუსერმა, არაერთი წარმატებული ტელეშოუს შემქმნელმა და მულტიმილიონერმა საიმონ ქოუელმა განაცხადა: „ვფიქრობ, კვირაში 5 დღე არავინ უნდა მუშაობდეს, ეს უაზრობაა“.

 

სავალდებულო სამუშაო საათების საშუალო წლიური რაოდენობა ერთ თანამშრომელზე, (2018 წლის მონაცემები):

5 ქვეყანა სამუშაო საათების მაქსიმალური დროით:

  • მექსიკა 2148 საათი
  • კოსტა-რიკა 2121 საათი
  • სამხრეთ კორეა 2005 საათი
  • რუსეთი 1972 საათი
  • საბერძნეთი 1956 საათი

5 ქვეყანა სამუშაო საათების მინიმალური დროით:

  • გერმანია 1363 საათი
  • დანია 1392 საათი
  • ნორვეგია 1416 საათი
  • ნიდერლანდები 1433 საათი
  • შვეიცარია 1459 საათი

***

ეკონომიკური თანამშრომლობისა და განვითარების ორგანიზაციის (OECD) მონაცემებით, იმ ქვეყნების რეიტინგში, სადაც ყველაზე მეტი სამუშაო საათია და მექსიკა, კოსტა რიკა და სამხრეთ კორეა ლიდერობენ, ბოლო 10 წლის განმავლობაში ეს სამეული არ შეცვლილა. შარშან სამხრეთ კორეაში მაქსიმალური სამუშაო კვირა 68 საათიდან 52 საათამდე შემცირდა.

გერმანია კი, როგორც ნახეთ, ყველაზე ნაკლები სამუშაო საათების მქონე ქვეყნების სიაში ლიდერობს.

***

თუმცა, სამუშაო საათების ხანგრძლივობა ავტომატურად არ ნიშნავს შრომის ნაყოფიერებას. მაგალითად, გერმანიის მშპ ყოველ საათზე ორჯერ აღემატება სამხრეთ კორეის ან საბერძნეთის მშპ-ს, რომლებიც ყველაზე შრომისმოყვარე ქვეყნების ხუთეულში არიან და სამჯერ - მექსიკისას.

***

ჯერ კიდევ ჰენრი ფორდმა აღმოაჩინა, რომ სამუშაო კვირის 60-იდან 40 საათამდე შემცირება შრომის ნაყოფიერებას ზრდის.

კარგად დასვენებული მუშები უკეთ მუშაობენ - აღნიშნავენ მსოფლიო ეკონომიკური ფორუმის ექსპერტები.

უძრავი ქონების მართვის სფეროში მომუშავე ახალზელანდიურმა კომპანიამ ექსპერიმენტის სახით 4-დღიანი სამუშაო კვირა დააწესა, თუმცა ანაზღაურება არ შეუცვლია და აღმოჩნდა, რომ სამუშაო კვირის 20%-ით შემცირებისას თანამშრომლები 20%-ით უფრო პროდუქტიულები გახდნენ.

ზოგი კომპანიის ხელმძღვანელმა განმარტა, რომ შემცირებულმა სამუშაო კვირამ თანამშრომლებს საშუალება მისცა, გამოთავისუფლებული დრო ოჯახის წევრებისთვის, ვარჯიშისთვის, კულინარიისა და სხვა ჰობისთვის დაეთმოთ. შედეგად, მათი მენტალური მდგომარეობა გაუმჯობესდა, რამაც ისინი მეტად მოტივირებულები და პროდუქტიულები გახადა.

***

იაპონიაში, სადაც შრომისმოყვარეობას ბავშვობიდან ასწავლიან, არსებობს ისეთი ფენომენი, როგორიცაა karoshi, რაც „ზედმეტი შრომისგან სიკვდილს“ ნიშნავს. ამ ფენომენთან საბრძოლველად, იაპონური კომპანიები გარკვეულ დროს საოფისე განათებებს თიშავენ, თუმცა არაფერს აკეთებენ სამუშაოს მოცულობის შესამცირებლად. ვადებში რომ ჩაეტიოს, ბევრი კომპანიის თანამშრომელი იძულებულია, რომ სამსახურში სამუშაო დროზე ადრე გამოცხადდეს ან სამუშაო სახლში წაიღოს.

გარე ფოტოზე:

Workaholic (შრომაჰოლიკი);

ეს სკულპტურა ერთ-ერთი დიდი კორპორაციის შესასვლელთან დგას ლოს-ანჯელესში (Figueroa Street, Los Angeles) და თითქოს შეგვახსენებს: არ დაკარგოთ თავი ფულის საშოვნელად გამართულ რბოლაში.

ესეც ნახეთ:

დრო და ოჯახური ურთიერთობები - დრო ბუმერანგივით მუშაობს (ვიდეო)


სიახლეები ამავე კატეგორიიდან

როდის არ უნდა გაასესხოთ? - მაჰათმა...

მაჰათმა განდი

ფიკუსი სახლში - ცრურწმენები და რეალ...

ფიკუსი სახლში

კვლევა: კატას იმ ადამიანთან ურჩევნი...

კატის თვისებები

რატომ კრძალავს ზოგი ქვეყნის კანონი...

ქვეყნები, სადაც მტრედების
გამოკვება აკრძალულია

პირის ღრუს სავლების გამოყენება სხვა...

პირის ღრუს სავლები

რა ინფორმაციაა ხილსა და ბოსტნეულზე...

რა ინფორმაციაა ხილსა და
ბოსტნეულზე დაკრულ
სტიკერებზე

როგორ იწმინდება მეორადი ნივთები წინ...

როგორ იწმინდება მეორადი
ნივთები

რას აღნიშნავს ტილაკა - წერტილი ინდუ...

რას ნიშნავს ტილაკა -
წერტილი ინდუსების შუბლზე?

მოერიდეთ ღამით ღია ფანჯრიდან ყურება...

რატომ უნდა მოერიდოთ ღამით
ღია ფანჯრიდან ყურებას