კოღოს საწინააღმდეგო ხალხური მეთოდები

იცით თუ არა, რომ

ა) მხოლოდ დედალი კოღო იკბინება და ამასთანავე, სისხლის თხევადი მდგომარეობის შესანარჩუნებლად, ადამიანის ორგანიზმში უშვებს ანტიკოაგულარულ ნივთიერებას, რომელიც სიწითლეს, ქავილსა და ზოგჯერ ალერგიულ რეაქციას იწვევს.

ბ) კოღოებს თბილ და ნესტიან ადგილებში უყვართ ყოფნა, მაგრამ, როცა ჰაერის ტემპერატურა +28 გრადუსს სცილდება, პაწაწინა ვამპირები დიდი რაოდენობით სითხეს კარგავენ და ნაკლებად აგრესიულები ხდებიან.

გ) კოღოები განსაკუთრებით ეტანებიან ბავშვებს (თხელი კანის გამო) და გაოფლიანებულ ადამიანებს.

დ) ერიდებიან მზის სხივებს და განსაკუთრებით აგრესიულები ხდებიან წვიმის წინ და მზის ჩასვლის შემდეგ.

როგორ დავიცვათ კოღოს ნაკბენისგან?

კოღოების შემოტევის შემაკავებელ ნატურალურ და ეფექტურ საშუალებებად მიიჩნევა:

ლიმონის, ლავანდის, პიტნის, მიხაკ-დარიჩინისა და ევკალიპტის ზეთები.

კედრის ხის ზეთი, რომელიც არა მხოლოდ კოღოებთან, არამედ ბუზებისა და ტარაკნების წინააღმდეგ ბრძოლაშიც დაგეხმარებათ.

👉ამ მცენარეების ზეთი შეგიძლიათ სურნელის გამავრცელებელ სპეციალურ ლამპებში დაამატოთ. დაიმუშაოთ სხეულის ღია ადგილები. რამდენიმე წვეთი დააწვეთოთ ღია ცეცხლზე ან გახურებულ ტაფაზე. ეფექტურია, ამ ზეთებით ფანჯრის ჩარჩოს დამუშავებაც.

ასევე, მწერებს აფრთხობს

ვალერიანის, რეჰანის, ანისულისა და ევკალიპტის სუნი.

ღვიის, ფიჭვის ან ნაძვის გირჩები და ქაფურის სპირტი.

გამხმარი გვირილას კონები, რომლებიც ოთახში უნდა დააწყოთ.

ეფექტურია ფენოლმჟავა - ცოტაოდენ ფენოლმჟავას ღამით, ლოგინის გარშემო თუ მოაპკურებთ და ძალიან სუსტი ხსნარით ხელებს გაიწმენდთ, მწერები აღარ შეგაწუხებენ.

ეფექტურია მიხაკის ხსნარი - 5 გრამ მიხაკს დაასხით 1 ჭიქა წყალი და 15 წუთი ადუღეთ. ამ ნაყენის 10 წვეთი ნებისმიერ ოდეკოლონში შეურიეთ და კოღოების შემოსევის დროს სხეულის ღია ნაწილები გაიწმინდეთ.

კოღოს ნაკბენის წამალი:

კოღოებისგან დაკბენილ ადგილებზე ხახვის, ალოეს, ოხრახუშის ან მრავალძარღვას წვენის წასმა შეწითლებულ ადგილებს დააცხრობს.

***

ასევე, საინტერესოა 👇

რატომ „უყვარხარ“ კოღოს?

რატომ არ შეუძლია კოღოს შიდსის ვირუსის გადატანა?