მთქნარება, ცემინება, ზმორება - კიდევ რა არის ორგანიზმის დამცავი ფუნქცია?

ადამიანის ორგანიზმი ურთულესი სისტემების ერთობლიობაა. მათ შორის ერთ-ერთი დღე-ღამეში, 24 საათის განმავლობაში გვიცავს გარეგანი ფაქტორებისგან, რომლებსაც ჩვენი დაზიანება შეუძლია. ჩვენ გიამბობთ ადამიანის სხეულის 9 ძირითადი დამცავი ფუნქციის შესახებ.

1. მთქნარება

მთქნარების ძირითადი დანიშნულება გადატვირთული ტვინის „გაგრილებაა“.

2. ცემინება

ჩვეულებრივ, ადამიანი მაშინ აცემინებს, როცა სასუნთქ გზებში მეტისმეტად ბევრი ალერგენი, მიკრობი, მტვერი ან სხვა გამაღიზიანებელი დაგროვდა. ცემინებით ორგანიზმი „ნაგვისგან“ გათავისუფლებას ცდილობს.

3. გაზმორება

გაზმორების დროს, ორგანიზმი ფიზიკური დატვირთვისთვის ემზადება, რომელიც დღის განმავლობაში ელის. ზმორების პროცესში ადამიანის გუნება-განწყობა და სისხლის მიმოქცევა უმჯობესდება.

4. სლოკინი

ზოგჯერ, სწრაფად ჭამას ან ზედმეტი საკვების მიღებას თან სდევს კუჭთან დაკავშირებული ე.წ. მოხეტიალე ნერვის გაღიზიანება. სწორედ ამას უკავშირდება სლოკინი.

5. მიკლონური სპაზმი

ზოგჯერ ლოგინში ჩაწოლისთანავე, წამებში ჩაგვეძინება, თუმცა უცებ სხეული თითქოს ელექტროშოკისმაგვარ დარტყმას იღებს და მყისიერად ვფხიზლდებით. საქმე ის გახლავთ, რომ ჩაძინების დროს ადამიანის სუნთქვა და გულისცემა მკვეთრად ნელდება, რასაც ტვინი შეცდომით სიკვდილის წინა მდგომარეობად აღიქვამს და ადამიანის გადარჩენას მისი გამოფხიზლებით ცდილობს.

6. თითების ბალიშების კანის დანაოჭება

მომატებული ტენიანობის პირობებში ადამიანის ტვინი ფიქრობს, რომ სადღაც ახლოს, გლუვი და პრიალა ზედაპირია, ამიტომ თითების ბალიშები სწრაფად იწყებს დანაოჭებას, რომ პრიალა ზედაპირზე მოჭიდების ძალა გაზარდოს.

7. მეხსიერების დაკარგვა

ხშირად, არასასიამოვნო და სტრესული სიტუაციების შემდეგ, ადამიანი მეხსიერებას კარგავს. ამ გზით ტვინი მეხსიერებიდან საშინელი მოგონებების წაშლას ცდილობს.

8. „ბატის კანი“

ხორკლიანი კანის მთავარი ფუნქცია კანის ფორებიდან სითბოს გამოყოფის შემცირება და მკაცრი კლიმატის პირობებში ორგანიზმის გათბობაა.

9. ცრემლი

თვალში უცხო სხეულის მოხვედრისას, ცრემლი ლორწოვანი გარსის საუკეთესო დამცველად გვევლინება. ამის გარდა, ის ორგანიზმის ემოციური დაცვის ინსტრუმენტიც გახლავთ. მეცნიერებს მიაჩნიათ, რომ სტრესულ სიტუაციებში ორგანიზმი გაღიზიანების ახალ კერას ქმნის, რომ ადამიანი განცდილი ტკივილისგან დაიცვას.
ასე რომ, ჩვენი ორგანიზმი გამუდმებული კონტროლის ქვეშაა და გამუდმებით ჩვენს უსაფრთხოებაზე ზრუნავს.