რატომ იწვევს გლობალური დათბობა აციებას?

ალბათ შენიშავდით, რომ გლობალური დათბობის ეპოქაში კაცობრიობა ანომალიურ სიცივეს აწყდება.

ასწლეულის მანძილზე საშუალო ტემპერატურის 1,5°C-ით მატება, ტემპერატურის სეზონური რყევების ფონზე, თითქოს შეუმჩნეველი უნდა იყოს, თუმცა ამ კლიმატური ცვლილებების გავლენა ძალიან მნიშვნელოვანია და მთელ პლანეტას მოიცავს.

კლიმატის ცვლილება ყველგან ერთნაირი არ არის. პოლარულ გეოგრაფიულ განედებში დათბობა უფრო შესამჩნევია, ვიდრე ტროპიკულ განედებში.

გლობალური დათბობის ფონზე მარადიული მყინვარების დნობა მიმდინარეობს - ჩრდილოეთ პოლუსზე ჰაერის საშუალო ტემპერატურა ბოლო წლებში, -40 გრადუსის ნაცვლად, -33-ზე ქვემოთ არ ეშვება, რაც ბუნებრივია, ოკეანის დონის მატებას იწვევს.

როდესაც არქტიკა თბება, ტემპერატურის გრადიენტი მცირდება და პროპორციულად სუსტდება დასავლეთიდან ჰაერის მასების მოძრაობა. შესაბამისად კი, ძლიერდება ჰაერის მასების მოძრაობა სუბმერიდიანული მიმართულებით. მას მოაქვს სითბო სამხრეთის რეგიონებიდან და სიცივე - ჩრდილოეთ რეგიონებიდან. ეს კი საბოლოოდ უფრო მკაცრ და სუსხიან ზამთარს იწვევს.

ტემპერატურის ანომალიური ცვლილებები ყველაზე მეტად ჩრდილოეთ ამერიკაში იგრძნობა.

დღეს უკვე აშკარაა, რომ გლობალური დათბობა სერიოზული პრობლემაა, რომელმაც შეიძლება მომაკვდინებელ ტემპერატურულ ცვლილებებამდე მიგვიყვანოს.