როგორ გაჩნდა გამოთქმა „კედლებსაც ყურები აქვს“?

უახლესი ტექნოლოგიების გამოჩენამდე კი ადამიანებზე თვალთვალი სხვადასხვა, გაცილებით პრიმიტიული საშუალებების დახმარებით ხდებოდა.

მაგალითად, უძველეს დროს, მეფეებისა და დიდებულების ბრძანებით სასახლეებისა და ციხესიმაგრეების კედლებში ფარული ხვრელები გაჰყავდათ, რათა სპეციალური მილების საშუალებით კედლის მიღმა საუბრების მოსმენა შეძლებოდათ.

ინგლისურენოვანი წყაროების თანახმად, ასეთი მოწყობილობები პირველად ძველ საბერძნეთში, დიონისე I-ის (სირაკუზელის) მეფობის დროს გაჩნდა, სხვა წყაროები კი პირველი მოსასმენი „აპარატურის“ გამოჩენას ბიზანტიის მმართველებს უკავშირებენ.

ასეა თუ ისე, გამოთქმა „კედლებსაც ყურები აქვთ“ პირველად ესპანელმა მწერლებმა, 400 წელზე მეტი ხნის წინ გამოიყენეს, მე-17 საუკუნის დასაწყისისთვის კი ის ნებისმიერი ფარული მოსმენის სინონიმად იქცა.

სერვანტესმა გამოთქმას ლიტერატურული ფორმა მისცა. დონ კიხოტის მეორე ნაწილში (თავი 48), რომელიც 1615 წელს გამოქვეყნდა, არის ფრაზა: „არა, ჯობია გავჩუმდე, თორემ კედლებსაც კი ყურები აქვს“.

სხვა ესპანელი ავტორის, დრამატურგ ლოპე დე ვეგას კომედიაში "ვალენსიელი ქვრივი", რომელიც მე -17 საუკუნის დასაწყისში შეიქმნა, ვკითხულობთ „კედელო, ყურები შენც გაქვს“. ამ პიესის საბოლოო ვერსია მხოლოდ 1620 წელს გამოიცა. სწორედ ამ დროიდან გაჩნდა ზემოხსენებული გამონათქვამი ინგლისურ ენაზე.

ესეც დაგაინტერესებთ:

როდის და როგორ გაჩნდა გამოთქმა „ყვითელი პრესა“?

საიდან გაჩნდა სიტყვა „ალო“?

გატეხილი სარკე - როგორ გაჩნდა ეს ცრურწმენა?