როგორ ახერხებს წიწილა კვერცხში სუნთქვას?

დავიწყოთ იმით, რომ წიწილის განვითარებისთვის აუცილებელი პირობებია დაახლოებით 37⁰C ტემპერატურა და ჰაერის 65%-იანი ტენიანობა.

რამდენ დღეში იჩეკება წიწილა

ემბრიონი, საშუალოდ, 3 კვირის განმავლობაში ყალიბდება, სასიცოცხლოდ აუცილებელ საკვებ ნივთიერებებს კი კვერცხის ცილისა და გულისგან იღებს. ამასთან, ცილის მარაგი, დაახლოებით, მე-15 დღეს იწურება, ხოლო გულის მარაგი ნაჭუჭის გატეხის დღეს მთავრდება - გამოსაჩეკად წიწილას, დაახლოებით, 36 საათი სჭირდება და კვერცხის გულის ბოლო ულუფას გამოჩეკის შემდეგ მიირთმევს.

რაც შეეხება სუნთქვას:

ყველა ცოცხალ ორგანიზმის არსებობისთვის ჟანგბადის შესუნთქვა და ნახშირორჟანგი გამოყოფა აუცილებელია და წიწილა გამონაკლისი არ არის - თითოეული კვერცხის ბოლოში პატარა სიცარიელეა, რომელიც ახლად დადებული კვერცხის გაციების შემდეგ წარმოიქმნება და წიწილის ემბრიონი ამ სიცარიელეში არსებული ჰაერით სუნთქავს.

გარდა ამისა, კვერცხის ნაჭუჭი არც ისეთი მკვრივია, როგორიც ერთი შეხედვით ჩანს. საქმე ისაა, რომ ნაჭუჭი ადამიანის თვალისთვის უხილავი ფორებისგან შედგება და მათი რაოდენობა, დაახლოებით, 70 000 -ია. ჰაერი მიკროფორების საშუალებით კვერცხში აღწევს, ამავე გზით გამოდის კვერცხიდან ნახშირორჟანგი.

ასე რომ, კვერცხი ისეთივე ცოცხალი ორგანიზმია, როგორც ქათამი და წიწილა.