იცით თუ არა

შესაძლოა თუ არა, ეს სუპერმტაცებელი ოკეანეებში დღესაც ცხოვრობდეს?

fun time

16:00 ხუთ. 18 ნოემბერი, 2021 წელი

მეგალოდონი - ოკეანის
მტაცებელი
14
დაკოპირებულია

მისი კბილები სიგრძეში 18 სანტიმეტრს აღწევს, სხეულის სიგრძე 30 მეტრამდეა, ხოლო სხეულის წონა - 47 ტონაზე მეტიც კი! ნადირობდა იქ, სადაც სურდა და რაზეც სურდა. მეგალოდონი - ეს ყველაზე დიდი მტაცებელი თევზია, რასაც კი დღეს მეცნიერება იცნობს.

ის ინფორმაცია, რაც დღეს მეგალოდონის შესახებ არსებობს, მისი კბილებიდანაა მიღებული, რადგან, როგორც სხვა ზვიგენების ჩონჩხი, მეგალოდონის ჩონჩხიც ხრტილისგან შედგებოდა და არა ძვლისგან, ამიტომაც დღემდე მისი ნეშტის მცირე ნაწილია შემორჩენილი.

კბილები

მეგალოდონის კბილები სიგრძეში 18 სანტიმეტრს აღწევს. თეთრი ზვიგენის კბილი ზომით სამჯერ უფრო ნაკლებია. მეგალოდონის კბილები იმდენად დიდია, რომ შუა საუკუნეებში ისინი დრაკონების გაქვავებულ
ენად მიაჩნდათ.

სიგრძე

მეგალოდონის სრული ჩონჩხი აღმოჩენილი არ არის, მხოლოდ - ხერხემლის ნაწილი. ამიტომაც მისი კლასიფიცირება დიდხანს ვერ ხერხდებოდა. სადღეისოდ მას და მის მონათესავე სახეობებს Carcharocles megalodon-ს აკუთვნებენ.

ვინაიდან მეგალოდონის ჩონჩხი შემონახული არ არის, მის სიგრძეს თეთრი ზვიგენის მორფოლოგიით საზღვრავენ. სავარაუდოდ, მეგალოდონის სიგრძე 13 მეტრიდან 16 მეტრამდე მერყეობს. თუმცა ზოგი მეცნიერის აზრით, 25-30 მეტრამდეც აღწევდა.

წონა

მეგალოდონის სხეულის წონა 47 ტონაზე მეტია. ეს მას მეცნიერებისთვის ცნობილ თევზებში ყველაზე დიდ მტაცებლად აქცევდა.

საკვები

ის, ძირითადად, ვეშაპისნაირებზე ნადირობდა. სუპერმტაცებელი იყო - ნადირობდა იქ, სადაც სურდა და რაზედაც სურდა. საერთოდ ზვიგენები მსხვერპლს სუსტ წერტილებში უტევენ. მეგალოდონი კი ცოტა სხვანაირად მოქმედებდა. თუკი მისი თავდასხმის მსხვერპლთა ნეშტებით ვიმსჯელებთ, მეგალოდონი მსხვერპლს ეჯახებოდა, შინაგან ორგანოებს უზიანებდა, ძვლებს უმტვრევდა და მხოლოდ ამის შემდეგ მიირთმევდა.

გადაშენების მიზეზები

მეგალოდონის გადაშენების მიზეზები ბოლომდე გარკვეული არ არის. მეცნიერთა ვარაუდით, ის საკუთარმა გაუმაძღრობამ იმსხვერპლა. 15-17 მილიონი წლის წინათ, ჩრდილო ნახევარსფეროში აციებამ სრუტეების ბლოკირება გამოიწვია. მყინვარების ზრდას მსოფლიო ოკეანეში წყლის დონის დაწევაც მოჰყვა. შედეგად მეგალოდონის ძირითადი რაციონის - ულვაშიანი ვეშაპების ბევრი სახეობა გადაშენდა. გადარჩენილი ვეშაპები უფრო მიჩვეულები იყვნენ შეცვლილ გარემო პირობებს. მათ ცურვის სიჩქარეც მეტი ჰქონდათ. მათზე ნადირობა მეგალოდონს უჭირდა. ამას ემატებოდა სხვა, უფრო სწრაფი მტაცებლების კონკურენციაც.

მეცნიერთა აზრით, მეგალოდონის გადაშენება მთელი ამ ფაქტორების ერთობლიობამ გამოიწვია.

იქნებ, არ გადაშენებულა?

ამის მიუხედავად, მეგალოდონის გარშემო სხვადასხვა სპეკულაციები არ წყდება. ზოგს მიაჩნია, რომ ისინი გადარჩნენ და მსოფლიო ოკეანის მიყრუებულ ადგილებში კიდევ შეიძლება მათი ნახვა. იღებენ „დოკუმენტურ“ ფილმებს, აქვეყნებენ ფოტოებს და „თვითმხილველთა“ მონათხრობებს.

ოფიციალურად ეს მტაცებელი გადაშენებულია. მეგალოდონის ყველაზე „ახალგაზრდა“ ნეშტი 1,5 მილიონი წლისაა.


სიახლეები ამავე კატეგორიიდან

რატომ ერიდებიან ზვიგენები შავი ზღვა...

რატომ არ არის ზვიგენი შავ
ზღვაში?

ლომბარდის ისტორია - რა კავშირია სეს...

ლომბარდის ისტორია

რატომ შეიძლება ჰიროსიმასა და ნაგასა...

ნაგასაკი vs ჩერნობილი

სიზმრის 6 ტიპი და მათი განმარტება -...

სიზმრის 6 ტიპი

15 საინტერესო ფაქტი თოვლის შესახებ

15 ფაქტი თოვლის შესახებ

მსოფლიოს ხალხთა უცნაური საშობაო ტრა...

საშობაო ტრადიციები

ლიტოპსი, ანუ „ცოცხალი ქვები“ - როგო...

ლიტოპსი

სახამებლის 10 ჯადოსნური თვისება

სახამებელი ყოველდღიური
წვრილმანებისთვის

რატომ ნაძვი - საიდან მოდის საახალწლ...

წმ. ბონიფაციუსი და ნაძვის
ხის მორთვის ტრადიცია