სიყვარულის სიმბოლო ქალის უკანალს განასახიერებს?

ამ მიმართულებით მუშაობისას გალდინო პრანზარონემ (Galdino Pranzarone, 1908 - 2011) მითოლოგიიდან და მეორადი წყაროებიდან ყველაზე მნიშვნელოვანი ლიტერატურული მტკიცებულებები და ჰიპოთეზები გააანალიზა და დაასკვნა, რომ სიმბოლური გული, არც მეტი, არც ნაკლები, ქალის უკანალია.

როგორც მკვლევარმა Discovery News-თან ინტერვიუში განმარტავდა, ბერძნები ქალს გარეგნობაში განსაკუთრებით უკანალს აფასებდნენ.

„ბერძენი სილამაზის ქალღმერთის, აფროდიტეს სხეულის ყველა ნაწილი ულამაზესი იყო, განსაკუთრებით კი დუნდულოები,“ - ამბობდა მკვლევარი. საბერძნეთში მისი მომრგვალებული ფორმები იმდენად ფასობდა, რომ აფროდიტე კალიპიგოსის (Aphrodite Kallipygos) პატივსაცემად სპეციალური ტაძარი ააშენეს. ეს ალბათ მსოფლიოში ერთადერთი რელიგიური შენობაა, რომელიც უკანალისთვის ხოტბის შესასხმელად აიგო.“

ცნობისათვის: კალიპიგოს (ბერძნ. Καλλίπυγος) ბერძნულიდან ითარგმნება, როგორც „მშვენიერი უკანალი“.

ფოტოზე: Venus Kallipygos, იგივე Αφροδίτη Καλλίπυγος.
ჩვ. წ., დაახლოებით, მე-2 საუკუნე. ავტორი უცნობია.
ინახება ნეაპოლის არქეოლოგიური მუზეუმში.

ამასთან, პრანზარონე აღნიშნავდა, რომ ბერძნული სიყვარულის სიმბოლო, კლასიკურისგან განსხვავებით, წითელი და გამოკვეთილი არ ყოფილა. მკვლევარის ვარაუდით, თანამედროვე სიმბოლო მოგვიანებით გაჩნდა, როდესაც ბერძნული სტილი კათოლიკურმა ეკლესიამ გადაიღო. სწორედ ამ დროს დაუკავშირეს გრაფიკული გული ანატომიურს, დარწმუნებული იყო პროფესორი.