უძველესი დიზაინერები - როდის ისწავლა ადამიანმა კერვა?

ძვალი კოლაგენს არ შეიცავდა, ამიტომ მეცნიერებმა მისი დათარიღება ვერ შეძლეს, თუმცა კულტურულ ფენის ასაკი, სადაც არტეფაქტი მდებარეობდა, 39600 წელია. მეცნიერები ვარაუდობენ, რომ ძვლის ასაკიც, დაახლოებით, ამდენივეა.

ამ პერიოდში ევროპა და პირენეის ნახევარკუნძული კლიმატის თვალსაზრისით თანამედროვე ციმბირს ჰგავდა. ბუნებრივია, აქ მცხოვრებ ადამიანებს თავის გადასარჩენად ცხოველის ტყავისგან დამზადებული თბილი ტანსაცმელი სჭირდებოდათ.

პალეოლითის ეპოქაში მცხოვრებ ადამიანს ტანზე მომჯდარ, თბილ და მოხერხებულ ტანსაცმელზე ოცნება არ შეეძლო, რადგან ამ დროს არც ტყავის დამუშავების თანამედროვე ტექნოლოგიები არსებობდა, არც საკერავი მანქანა და არც ლითონისგან დამზადებული ჩვეულებრივი ნემსი.

არქეოლოგების აზრით, ადამიანმა კერვა ბევრად უფრო მარტივი საშუალებების დახმარებით დაიწყო - ის ტყავს მყარ ზედაპირზე დებდა და ბასრი საგნის დახმარებით ხვრეტდა, შემდეგ კი ამ ნახვრეტში ძაფს ატარებდა.

მეცნიერების აზრით, ბარსელონასთან ნაპოვნი ძვალი სწორედ ასეთი „მყარი ზედაპირის“ როლს ასრულებდა. ძვალზე ერთი შეხედვითაც შენიშნავთ „ნემსის“ კვალს.

მკვლევრებმა დაასკვნეს, რომ ამ გზით ადამიანები არა მარტო ტანსაცმელს, არამედ ფეხსაცმელსა და ჩანთებსაც კერავდნენ.