ზე-მეხსიერება - გოგონა, რომელსაც დაბადებიდან მოყოლებული ყველაფერი ახსოვს

1. ჰიპერთიმეზიის სინდრომი (HSAM - Highly Superior Autobiographical Memory) 2000-იან წლებში აღმოაჩინეს. ბოლო მონაცემებით, მსოფლიოში ამ სინდრომის მქონე 60 ადამიანი ცხოვრობს. ერთ-ერთი თეორიის თანახმად, დაავადება ასოცირდება თავის ტვინის დროებითი წილის გადიდებასთან, რომელიც პასუხისმგებელია მეხსიერებაზე.

ჰიპერთიმეზიის სიმდრომის მქონე ადამიანებს მოვლენების 87% აღწერა შეუძლიათ, რაც მათ ცხოვრებაში ოდესმე მომხდარა, წიგნის მოყოლა, რომელიც ოდესმე წაუკითხავთ, სარეკლამო აბრების ჩამოთვლა, რომლებიც ცხოვრების მანძილზე დაუნახავთ. შე­უძ­ლიათ გა­იხ­სე­ნონ, რო­მელ დღეს რა ამინ­დი იყო, ვინ რა თქვ და ვის რა ეცვა.

2. დავუბრუნდეთ რებეკას. როცა ის იხსენებს მოვლენებს, რომლებიც 3 წლის ასაკში გადახდა, ბავშვივით რეაგირებს. ერთადერთი, რაც გოგონას არ ახსოვს, მისი დაბადების მომენტია: როგორ მოაცილეს ექიმებმა დედას და როგორ გადაჭრეს ჭიპლარი. თუმცა, ამის გახსენება არც სურს.

3. რებეკას საკუთარი სიზმრების მართვა შეუძლია. ის ახერხებს, კოშმარული სიზმარი „გადართოს“ და სასიამოვნო ზმანებად აქციოს. ამის სწავლა მოუწია, რადგან ბავშვობაში სიზმრებს რეალობისგან ვერ არჩევდა.

4. რებეკა ჰარი პოტერის ფანია. მას შეუძლია წიგნის ტექსტი ნებისმიერი ადგილიდან ზეპირად გააგრძელოს.

5. ჰიპერთიმეზიის წყალობით, შესაძლებელია გავიგოთ, რას ფიქრობენ ბავშვები, სანამ ლაპარაკს ისწავლიან. მაგალითად, რებეკა ამბობს, რომ ერთი წლის ასაკში გაიფიქრა: „იქნებ, ავდგე და ჩემ გარშემო არსებული ეს უცნაური საგნები კარგად დავათვალიერო?“

უცნაურია, რატომ უწოდა მედიცინამ ასეთ ფენომენალურ მახსოვრობას დაავადება?

საქმე ის გახლავთ, რომ ჰიპერთიმეზიის სიმდრომის მქონე ადამიანებს აქვთ მუდმივი შფოთვა წარსულში ნანახის და განცდილის გამო, ზედმეტად ემოციურები და დეპრესიისკენ მიდრეკილები არიან, არ შეუძლიათ ყურადღების გამახვილება დეტალებზე. შეიძლება განუვითარდეთ აფექტი, ჰალუცინაციები. ანუ ეს ის შემთხვევებია, სადაც მედიცინის ჩარევა ხდება საჭირო.

ჰიპერთიმეზიის მიზეზი მედიცინას ჯერ არ დუდგენია.