10 საინტერესო ფაქტი მეორადი ტანსაცმლის მაღაზიების შესახებ მსოფლიოს მასშტაბით

1. მეორადი ტანსაცმლის ინდუსტრია ყველაზე განვითარებულ ქვეყნებში ყვავის - ამ მხრივ ლიდერები არიან კანადა, აშშ, გერმანია, ნიდერლანდები, საფრანგეთი და დიდი ბრიტანეთი.

ინდუსტრიაში 10 მილიონზე მეტი ადამიანია დასაქმებული. ისინი მუშაობენ ტანსაცმლის შეგროვების პუნქტებში, სადაც ახარისხებენ, ამუშავებენ ტანსაცმელს და ფუთავენ.

2. სექენდ-ჰენდი სულაც არ ნიშნავს, რომ ნივთები აუცილებლად გამოყენებული უნდა იყოს.

ძალიან ხშირად, საწყობებში სრულიად ახალი ტანსაცმელი ხვდება. მათ შორის ზოგჯერ ძვირად ღირებული ბრენდის პროდუქციასაც ნახავთ, რომელიც მაღაზიებში ასობით დოლარი ღირს.

3. გავრცელებული შეხედულების მიუხედავად, მეორადი ტანსაცმელი ღარიბების სამოსი არაა.

ეს სამოსი ძირითადად, ეკონომიური და გამორჩეული ტანსაცმლის მოყვარული ადამიანებისთვისაა განკუთვნილი.

4. სექენდ-ჰენდის მოყვარულებს შორის ბევრი მსოფლიო დონის ვარსკვლავია.

მათ შორის არიან: ჯონი დეპი, ბარბრა სტრეიზანდი, დრიუ ბერიმორი და ა.შ.

5. მეორადი ტანსაცმლის მაღაზიებში ევროპული ხარისხის სამოსი იყიდება.

დარწმუნებული იყავით, რომ აქ შეძენილი ქურთუკი, მაისური, ჯინსი თუ ჩექმები შესანიშნავი ხარისხის მასალისგან შეიკერა.

6. გასაყიდად გამოტანამდე სექენდ-ჰენდის ყველა ნივთს სანიტარიული დამუშავება უტარდება.

ამიტომ შეგიძლიათ ნებისმიერი სამოსი უშიშრად მოიზომოთ. აქვე აღვნიშნავთ, რომ მეორადი ტანსაცმლის კარგად ნაცნობი სუნი სწორედ სანიტარიული დამუშავების შედეგია.

7. დამახასიათებელი სუნი მარტივად შეგიძლიათ მოაცილოთ.

თუ სუფთა წყალს მარილს ან ნიშადურის სპირტს დაუმატებთ და მეორადი ტანსაცმლის მაღაზიებში ნაყიდ სამოსს ამ სითხეში რამდენიმე საათი ჩაალბობთ, დამახასიათებელი სუნი უკვალოდ გაქრება.

8. სექენდ-ჰენდების საქონელი სამ კატეგორიად იყოფა: კრემი, ლუქსი და ექსტრა. პირველ კატეგორიაში შედის ცვეთის ნიშნების მქონე ნივთები, რომლებსაც ყველაზე ხელმისაწვდომი ფასი აქვთ.

9. მეორადი ტანსაცმლის ყველაზე დიდი იმპორტიორები აშშ და დიდი ბრიტანეთი არიან.

დიდი ბრიტანეთიდან მეორადი ტანსაცმლის 70% სხვა ქვეყნებში გადის. მსხვილ ექსპორტიორთა შორის ასევე სახელდება გერმანია, სამხრეთ კორეა, ნიდერლანდები, ბელგია, კანადა, იაპონია, პოლონეთი და იტალია.

10. დაბოლოს: 17 აგვისტოს მსოფლიო მეორადი ტანსაცმლის მაღაზიის ანუ სექენდ-ჰენდის დღეს აღნიშნავს.

ესეც დაგაინტერესებთ:

როგორ იწმინდება მეორადი ნივთები წინა მფლობელების ენერგიისგან?