მამიდა ჯულია, ძმისშვილი ემა და „ლამაზმანის“ ძვირფასი კოლექცია

„ლამაზმანის“ მთავარი როლის შემსრულებელმა ჯულია რობერტსმა Fred-ის ძვირად ღირებული ყელსაბამი მოირგო და კომპანია ფანტასტიკური კოლექციის შექმნაზე შთააგონა.

ამერიკელი რეჟისორის გარი მარშალის „ლამაზმანი“ ეკრანებზე 1990 წელს გამოვიდა და მაშინვე მაყურებლის გული დაიპყრო. ფილმში მთავარ როლებს რიჩარდ გირი (ედვარდ ლუისი) და ჯულია რობერტსი (ვივიან უორდი) ასრულებენ.

ეს სამკაულიც, რომელიც ჰოლივუდის მაღალრეიტინგულ ფილმში, მთავარ გმირს ამშვენებს, ფილმის ეკრანებზე გამოსვლისთანავე წარმოუდგენლად პოპულარული გახდა.

„ლამზმანმა“ მსოფლიო პოპულარობა მსახიობების ნიჭიერი თამაშისა და შესანიშნავი სცენარის წყალობით მოიპოვა. ეს არის ისტორია თანამედროვე კონკიაზე, რომელიც მეძავად მუშაობდა, მაგრამ მილიონერ „პრინცს“ შეხვდა და უკეთესი ცხოვრების შანსი მიიღო.

სცენა, როდესაც ედვარდი ვივიანს ზღაპრული სილამაზის ყელსაბამს არგებს, გულგრილს არავის ტოვებს.

როგორც ირკვევა, 23 ლალითა და ბრილიანტებით შემკული ყელსაბამი ფრანგული საიუველირო კომპანია Fred Joaillier -ის იუველირებმა კინოკომპანიის შეკვეთით შექმნეს.

1,36 მილიონ დოლარად შეფასებულ ყელსაბამს მთელი გადაღებების მანძილზე „კბილებამდე შეიარაღებული“ ადამიანები იცავდნენ.

ეს სამკაული ასეთი პოპულარული რომ გახდებოდა, ამას არავინ ელოდა. ასეთმა წარმატებამ შთააგონა ფრანგული ბრენდი, რომ შეექმნა ყელსაბამების კოლექციია, სახელწოდებით Pretty Woman.

როგორც კომპანია Fred-ს იუველირებმა დაგეგმეს, ყოველი ახალი სამკაული სიყვარულის და თავისუფლების სიმბოლო უნდა გამხდარიყო.

კოლექციის თითოეულ სამკაულში გამოყენებულია ლალი და ბრილიანტები. Pretty Woman-ის კოლექციის სახე კი გახდა არა ჯულია რობერტსი, არამედ მისი ძმისშვილი ემა.

ამასაც გაეცანით 👇

12 საინტერესო ფაქტი „ლამაზმანის“ შესახებ

წყარო: www.manifesto.asia