ნაგავსაწვავი ქარხანა, რომელიც ვენაში, ქალაქის ცენტრში დგას

fun time

14:08 ოთხ. 14 აპრილი, 2021 წელი

დაკოპირებულია

შპიტელაუს ქარხანა, რომლის მხიარული არქიტექტურა ავსტრიელი მხატვრის ფრიდენსრაიჰ ჰუნდერტვასერის შემოქმედებაა, წელიწადში 250 000 ტონა ნაგავს წვავს. ქარხანა ქალაქის თბომომარაგების სისტემაშია ინტეგრირებული და 60 მეგავატამდე თბურ ენერგიას გამოიმუშავებს. ის სითბოთი 60 000-მდე სახლსა და ავსტრიის დედაქალაქის მუნიციპალურ დაწესებულებებს ამარაგებს.

ვენის ხელისუფლებამ ამ საქმით ერთბაშად რამდენიმე კურდღელი დაიჭირა:

1. რაიონი თბომომარაგებით უზრუნველყო. ქარხანა ქალაქგარეთ კი არა, საცხოვრებელი სახლების სიახლოვეს მდებარეობს და ამით მილსადენებზე საკმაო თანხა დაიზოგა.

2. კვამლის გასაწმენდო ულტრათანამედროვე დანადგარები დიოქსინის დონეს მინიმუმამდე ამცირებს.

3. დაბოლოს, ჰუნდერტვასერის დამსახურებით ქალაქს კიდევ ერთი ღირსშესანიშნაობა შეემატა, რომელიც ტურისტებს განსაკუთრებით იზიდავს და ღრუბლიან ამინდშიც კი ზღაპრულ შთაბეჭდილებას ტოვებს.