ფუკუსიმის უკანასკნელი მკვიდრი - ის რადიაციულ ზონაში მიტოვებულ ცხოველებზე საზრუნავად დაბრუნდა

მამაკაცი საქველმოქმედო ფონდში მუშაობს და რამდენიმე თანამოაზრესთან ერთად კატასტროფის ზონაში დარჩენილ ცხოველებზე ზრუნავს. მაცუმურას თქმით, ცხოველების პატრონებს სახლში სწრაფად დაბრუნების იმედი ჰქონდათ. მაშინ ვერავინ იფიქრებდა, რომ სახლში დაბრუნებას 10 წლის შემდეგაც ვერ შეძლებდნენ. "მე ორი კატა, ძაღლი, სირაქლემა, ცხენი, 31 ძროხა და ოთხი გარეული ღორი მყავს. როგორც კი ჩემი სატვირთოს ხმას გაიგებენ, ჩემი ოთხფეხა მეგობრები ერთად იკრიბებიან და ცდილობენ მიმახვედრონ, რომ მელიან,“ - ამბობს ჟურნალისტებთან მაცუმურა.

იაპონიის აეროკოსმოსური კვლევის სააგენტოს მიერ ჩატარებული გამოკვლევის შემდეგ მაცუმურას რადიაციული ადამიანი შეარქვეს - შედეგების თანახმად, მან იაპონიაში რადიაციის ყველაზე მაღალი დონე მიიღო და დღემდე აგრძელებს რადიაციული დასხივების პირობებში ცხოვრებას.

„მე შეჩვეული ვარ რადიაციას.. ადამიანებს, რომლებიც აქ ჩამოდიან და გარკვეული დროით რჩებიან, რადიაცია აღარ აღელვებთ. ვაღიარებ, რომ თავიდან ძალიან მეშინოდა, რადგან რადიაციის პირობებში ცხოვრება საბოლოოდ ონკოლოგიური დაავადებით ან ლეიკემიით სრულდება, მაგრამ რაც უფრო მეტი დრო გადის, მით უფრო ვრწმუნდები, რომ მეც და ჩემი ცხოველებიც ჯანმრთელები ვართ და ვფიქრობ, ბოლომდე ასე იქნება. მხოლოდ მიწისძვრა და ცუნამი რომ ყოფილიყო, ყველაფრის აღდგენა შეიძლებოდა, მაგრამ ბირთვული კატასტროფის შემდეგ აქ დაბრუნება არავის უნდა.. არავის, ჩემ გარდა! მე დავიბადე და გავიზარდე ტომიოკაში და ამ ქალაქში მოვკვდები,“- ამბობს მაცუმურა.