რატომ იკრძალება დუბაიში 18:00 საათის შემდეგ ზღვაში ბანაობა?
19:36 კვი. 21 ივლისი
![დუბაის პლაჟები დუბაის პლაჟები](/files/2024/07/21/11243/dubais-plazhebi_w_h.jpeg)
დუბაი არაბეთის ნახევარკუნძულზე ერთ-ერთი ყველაზე პოპულარული ტურისტული ადგილია. ის ცნობილია თავისი ცათამბჯენებით, მდიდრული სასტუმროებითა და თეთრი პლაჟებით, რაც ტურისტებს განსაკუთრებით იზიდავს, თუმცა პლაჟების უმეტესობაზე გარკვეული შეზღუდვა მოქმედებს. კერძოდ, მზის ჩასვლის ანუ 18:00 საათის შემდეგ ზღვაში ბანაობა იკრძალება.
აკრძალვას რამდენიმე მიზეზი აქვს:
1. უსაფრთხოება
სიბნელეში საფრთხეებისა და დაბრკოლებების დანახვა რთულდება, რამაც შეიძლება მოცურავეების სიცოცხლესა და ჯანმრთელობას რეალური საფრთხე შეუქმნას.
გარდა ამისა, საღამოს საათებში წყალში ყოფნა შეიძლება საშიში გახდეს წყლის მოქცევის, ძლიერი დინების ან ზვიგენებთან და მედუზებთან მოსალოდნელი შეხვედრის გამო. ტურისტებისა და ადგილობრივი მცხოვრებლების უსაფრთხოების მიზნით, დუბაის ხელისუფლებამ 18:00 საათის შემდეგ წყალში შესვლა აკრძალა.
2. გარემოს დაცვა
ცნობილია, რომ ზღვის ბინადრები სწორედ საღამოს საათებში დებენ ქვირითს და მრავლლდებიან. ტურისტების ხმაურმა და მოძრაობამ შეიძლება ამ ბუნებრივ პროცესებს ხელი შეუშალოს, რაც ადგილობრივ ეკოსისტემაზე უარყოფითად აისახება.
აკრძალვის კიდევ ერთი მიზეზი სანაპირო ეკოსისტემის დაცვაა. მზის ჩასვლის შედეგ ხდება პლაჟების ხელოვნური განათება, რამაც შეიძლება უარყოფითად იმოქმედოს ტერიტორიის ფლორასა და ფაუნაზე.
3. რელიგიური და კულტურული წესები
ბევრ მუსლიმანურ ქვეყანაში, მათ შორის არაბეთის გაერთიანებულ საამიროებში, მზის ჩასვლის შემდეგ ლოცვისა და სიმშვიდის დრო იწყება და ყოველგვარი უხამსი ან არასაჭირო ხმაური და აქტივობა შეიძლება ამ წეს-ჩვეულებების უპატივცემულობად ჩაითვალოს.
***
დაბოლოს, სულ ახლახან დუბაის მუნიციპალიტეტმა გადაწყვიტა, რომ ღამით ბანაობის მოყვარული ტურისტების თხოვნა გაეთვალისწინებინა.
ასე რომ, მათ, ვისაც სანაპიროზე საღამოობით დასვენება მოსწონს, დუბაი ღამით ცურვის შესაძლებლობებს სთავაზობს. მზის ჩასვლის შემდეგ ცურვა შეგიძლიათ Jumeirah 2-ის, Jumeirah 3-ის და Umm Suqeim-ის რაიონებში. სამივე პლაჟი კეთილმოწყობილია და ძლიერი პროჟექტორებითაა აღჭურვილი, რაც ღამით უსაფრთხო ცურვას უზრუნველყოფს.
ესეც დაგაინტერესებთ:
ცურვა არაბულად - როგორია მუსლიმანი ქალების საცურაო კოსტიუმები?!
რატომ ეკრძალებათ მუსლიმან მამაკაცებს აბრეშუმის და ოქროს ტარება?
თამარ მეფის შვილიშვილის ამბავი - როგორ იქცა გურჯი ხათუნი მუსლიმანური სამყაროს სიმბოლოდ
სიახლეები ამავე კატეგორიიდან