როგორ გამოიყურებოდნენ ისტორიული პირები რეალობაში?

ტუტანჰამონი

ტუტანჰამონის მუმიის მკვლევარებმა 10-წლიანი შრომის შედეგად დაგვანახვეს, როგორ გამოიყურებოდა ეს ფარაონი სინამდვილეში. ასევე, პასუხი გაეცა მისი ნაადრევი სიკვდილით გამოწვეულ კითხვას. ტუტანჰამონს მთელი რიგი სერიოზული დაავადებები აწუხებდა: მყიფე ძვლები, მგლის ხახა, თანდაყოლილი ფეხის ამოვარდნილობა. ის ჯოხით გადაადგილდებოდა. მისი სიკვდილის გამომწვევი მიზეზი კი მალარია იყო.

პავლე მოციქული

მეცნიერთა თვალსაზრისით, იესო ქრისტეს ერთ-ერთი მოწაფე იმგვარად გამოიყურებოდა, როგორც ეს ფოტოზეა ნაჩვენები. 2009 წელს რომაული საკურთხევლის ქვეშ მოციქულის ნეშტი აღმოაჩინეს. თუმცა ზოგიერთ მკვლევარს ეჭვი ეპარება მის ავთენტიკურობაში.

მეფე რიჩარდ III

მეფე ბრძოლის ველზე მოკვდა. მან 11 ჭრილობა მიიღო, აქედან 9 - თავში. ნეშტის რეკონსტრუქციის შემდეგ მეცნიერებმა მისი სახე აღადგინეს.

ნიკოლოზ კოპერნიკი

ნიკოლოზ კოპერნიკის ჩონჩხი 2005 წელს ერთ-ერთ პოლონურ ეკლესიაში აღმოაჩინეს. მოგვიანებით ექსპერტებმა მისი სახის აღდგენა მოახერხეს.

იოჰან ბახი

დიდი კომპოზიტორის ნეშტის ექსჰუმაცია მოახდინეს. ექსპერტიზის ჩატარების შემდეგ მოქანდაკეებმა ბახის ბიუსტი გააკეთეს. ახლა კრიტიკოსები ამტკიცებენ, რომ ეს არ არის ზუსტი ასლი. ისინი განმეორებით ექსპერტიზას ითხოვენ.

დანტე ალიგიერი

ბოლონიის უნივერსიტეტის თანამშრომლებმა ალიგიერის სახის რეკონსტრუქცია 2007 წელს მოახდინეს. იმავდროულად მეცნიერებმა გაარკვიეს, რომ მას სიცოცხლეში ძილის უეცარი შეტევები ჰქონდა.

ანრი IV

ანრი IV-ის მუმიფიცირებულმა თავმა ჩვენს დრომდე მოაღწია. თუმცა ზოგიერთ გენეტიკოსს ეჭვი ეპარება, რომ ის ნამდვილად საფრანგეთის მეფის თავია.

ნეფერტიტი

მეცნიერებს ნეფერტიტის სილამაზეში ეჭვი ეპარებათ. მათ დედოფლის ცნობილ ბიუსტზე "პლასტიკური ოპერაციის" კვალი აღმოაჩინეს. ხელოვნების ეს ნიმუში შემდგომში ბათქაშით მოალამაზეს. თავად ნეფერტიტის მუმია ჯერჯერობით აღმოჩენილი არ არის.

არსინოი IV

ამგვარად გამოიყურებოდა კლეოპატრას და, რომელიც კლეოპატრას ხელით მოკვდა. ქალის თავის ქალა მეორე მსოფლიო ომის დროს დაიკარგა, მაგრამ მისი გარეგნობის აღდგენა ზოგიერთი ჩანაწერისა და აზომვის შედეგებით მოახერხეს.

კლეოპატრა

ჩვენი დროის საზომით, იგი ლამაზი სულაც არ იყო. მაგრამ მაშინ მან რომის იმპერატორი მოხიბლა. აი, ასე იცვლება სილამაზის სტანდარტები.

🔰:

სილამაზის უცნაური სტანდარტები სხვადასხვა ეპოქაში

ქალის იდეალური ფიგურა მსოფლიოს 18 ქვეყანაში